काठमाडौँ — प्रहरीले हुण्डी कारोबारमा संलग्न रहेको अभियोगमा मंगलबार पक्राउ परेका दुई जनालाई सार्वजनिक गरेको छ । पक्राउ पर्नेमा काठमाडौं महानगरपालिका–२३ ओमबहाल बस्ने भारत कोलकाताका सुरज दत्त र चन्द्रागिरि नगरपालिका–१५ तिनथाना बस्ने रूपन्देही देवदह नगरपालिका घर भएका धर्मप्रसाद ढकाल रहेका छन् ।
प्रहरीका अनुसार जिल्ला प्रहरी परिसर काठमाडौंबाट खटिएको प्रहरीले उनीहरूलाई काठमाडौं–२४ स्थित विशाल बजार कम्पनी लिमिटेडको भूइँ तलाबाट ४० लाख ३२ हजार ५ सय रूपैयाँ र चेक २१ थानसहित फेला पारेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
