कागेश्वरी मनोहरा नगरपालिकाको आर्थिक वर्ष २०८०/८१को निती कार्यक्रम तथा बजेट तयारी सम्बन्धी बैंठक सम्पन्न भएको छ ।
बैठक कागेश्वरी मनोहरा नगरपालिकाको प्रमुख उपेन्द्र कार्कीको अध्यक्षतामा सोमबार आस्था पार्टी प्यालेस थलीमा भएको हो । कार्यक्रममा कागेश्वरी मनोहरा नगरपालिका भित्रका निजी तथा सामुदायिक विद्यालयबीच समन्वय गर्ने, नैतिक शिक्षामा जोड, शिक्षकको व्यवस्था ,सबैले एउटै तालिकामा पढाउने, विद्यार्थीका आधारमा शिक्षक थप गर्ने परामर्शदाता , हस्तकला , चित्रकलाको लागि शिक्षकको व्यवस्था गर्ने ,अभिभावकिय शिक्षा, विद्यलयमा योग शिक्षा, लागु औसत रोक तथा नयाँप्रविधिमा जोड दिने मल्याङकन गर्ने ,संस्कारयुक्त शिक्षा, ५० प्रतिशत भौतिक/मानविय, अतिरिक्त तालिमहरुको व्यवस्था गरिने बारे छलफल भएको छ ।
साथै विद्यालयको नाममा भएको जग्गा जमिनको सहि ढंगबाट परिचालन गर्ने,विद्यालयमा परिक्षा नतिजाका आधारमा शिक्षक विद्याथीलाई प्रोत्साहन गर्ने, आभारभुत तहमा खाजाको व्यवस्था गर्ने विषयमा पनि कार्यक्रममा छलफल भएको छ । विद्यालयमा लेखापालको व्यवस्थापन अनिवार्य विषयको शिक्षक, सरसफाइका लागि कर्मचारी साथै सम्पुर्ण शैशिक सामाग्री उपलब्धता गराइने लगाएतका विषयमा छलफल भएको थियो ।
कार्यक्रममा विभिन्न संघ संस्थाका प्रतिनिधी ,विभिन्न वडाका वडा अध्यक्ष राजनितिक दलका प्रतिनिधी, शिक्षक ,लगाएत स्थानियको समेत उपस्थिती रहेको थियो ।
