नेपाल सरकार खानेपानी मन्त्रालयबाट निर्मित गुहेश्वोरी फोहरपानी प्रसोधन केन्द्रको उद्घाटन सम्माननीय प्रधानमन्त्री शेर बहादुर देउवाको बाहुलिबाट भयो।
आज दिउसो ३ बजे सुरु भएको उक्त कार्यक्रममा खानेपानी मन्त्री उमाकान्त चौधरी, पूर्वमन्त्री भिमशेन दास प्रधान, काठमाडौ उपत्यकाका मेयर बालेन्द्र शाह, विभिन्न मन्त्रालयका सचिवहरु गोकर्णेश्वोर न.पा. का मेयर दिपक रिसाल तथा अन्य नगरपालिकाका मेयरहरु, पत्रकार को उपस्थिती रह्यो।
बागमती नदिको फोहर पानीलाई प्रसोधन गरि बागमतीलाई नै प्रवाह गर्ने उद्देश्य बोकेको उक्त केन्द्रले प्रतिदिन करीब ३ करोड २४ लाख लिटर फोहर पानी प्रसोधन गर्ने गरेको छ।
काठमाडौ उपत्यकाका विभिन्न उपल्लो, मध्यम र तल्लो तटिय क्षेत्रहरुमा प्रसोधन केन्द्रहरु निर्माणको आवस्यकता रहेको र उक्त कार्य गर्नाले बौद्ध , जोरपाटी , चाबहिल, गोठाटार, गौरिघाट, गोकर्ण लगायतका ९९५ हेक्टर क्षेत्रका करीब ३ लाख जनसमुदाय लाभावानवित हुनेछन।
