फोर आइज न्युज
बिहिबार, चैत्र २०, २०८१
  • होमपेज
  • पोखराकाे मेयरमा दुई जना स्वतन्त्र उम्मेदवारकाे उम्मेदवारी दर्ता

पोखराकाे मेयरमा दुई जना स्वतन्त्र उम्मेदवारकाे उम्मेदवारी दर्ता

पोखराकाे मेयरमा दुई जना स्वतन्त्र उम्मेदवारकाे उम्मेदवारी दर्ता

पोखरामा महानगरपालिकाको नयाँ नेतृत्व लिन दुई जनाले उम्मेदवारी दिएका छन् । अटेरी अभियान चलाइ रहेका स्वतन्त्र उम्मेदवार गणेश पौडेल र अर्का स्वतन्त्र उम्मेदवार विमल बहादुर कार्कीले पोखरा महानगर मेयर पदमा उम्मेदवारी दर्ता गराउनु भएकाे हाे ।

उनीहरु दुवै पोखरा १४ का बासिन्दा हुन् । उनीहरुले आज मुख्य निर्वाचन अधिकृतको कार्यालय पोखरामा पुगेर उम्मेदवारी दर्ता गराएका हुन् । गणेश पौडेलको समर्थक सरोज जीसी र प्रस्तावकमा अप्सरा अधिकारी हुनुहुन्छ । त्यसैगरी विमलबहादुर कार्की प्रस्तावकमा फणिन्द्र कार्की र समर्थकमा खिमबहादुर घर्ती हुनुहुन्छ ।

त्यसैगरी पोखरा महानगरपालिका २६ को वडा अध्यक्षमा नारायणप्रसाद आचार्य, पोखरा ३ को वडा अध्यक्षका लागि महेष उदास र पोखरा ३० वडा अध्यक्षमा अनिष गुरुङले स्वतन्त्र उम्मेदवारी दिनुभएकाे छ ।

उम्मेदवारी दर्तापछि मेयरका उम्मेदवार गणेश पौडेलले राजनीतिक अकर्मण्यताको विरुद्धमा आफूले महानगरकाे मेयर पदमा उम्मेदवारी दिएको बताउनुभयाे । पालिकामा दलीयभन्दा पनि स्वतन्त्र उम्मेदवारले बढी काम गर्न सक्छन् भन्ने मान्यता स्थापित गर्नका लागि उम्मेदवारी दर्ता गराएको उहाँले बताउनु भयाे ।

उम्मेदवारहरुकाे नाम टुङ्गो नलागेपछि ठूला राजनीतिक दलहरुले भने भोलि मात्रै उम्मेदवारी दर्ता गराउने भएका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका