गोकर्णेश्वर नगरपालिकाले नगरपालिकामा स्थायी बसोबास गर्दै आएका सम्पुर्ण नागरिकहरुको निशुल्क स्वास्थ्य बिमा गर्ने भएको छ।
नगरपालिकाको गत असार २० का दिन बसेको ११ औं नगरसभामा नगरबासीलाई निशुल्क स्वाथ्य बिमा गरिने घोषणा अनुरुप नगरप्रमुख दिपक कुमार रिसालले एक सुचना जारी गरि निशुल्क स्वास्थ्य बिमा गरिदिन निर्देशन दिएका छन।
निशुल्क स्वास्थ्य बिमा गर्न स्थायी बासिन्दाको रुपमा नागरिकताको प्रमाणपत्र,बसाईसरैई गरि आउनेहरुको हकमा बसाइँसराइको प्रमाणपत्र,बिबाहित महिलाको हकमा बिबहा दर्ताको प्रमाणपत्र,यस नगरपालिका भित्र मतदान गर्नेको हकमा मतदाता मतदाता परिचयपत्र र आर्थिक वर्ष २०७९/८० सम्मको सम्पती कर,ब्यबसाय भए ब्यबसाय कर,घर वा जग्गा भाडामा लगाईएको भए बहाल कर यश नगरपालिकालाई बुझाएको प्रमाण समेत पेश गर्न समेत जारी सुचनामा उल्लेख गरिएको छ।
