फेसबुकको सेक्युरिटी टिमले युक्रेनका प्रयोगकर्ताको अकाउन्ट सुरक्षित गर्न नयाँ कदम चालेको छ । कम्पनीले युक्रेनी नागरिकका लागि आफ्नो लक प्रोफाइल फिचर पुन: सञ्चालनमा ल्याएको हो । साथै कम्पनीले युक्रेनमा के भइरहेको छ भनेर थाहा पाउन विशेष अपरेशन सेन्टर पनि निर्माण गर्दैछ । प्रयोगकर्ताको सुरक्षा र गोपनीयताका लागि फेसबुकले यो फिचर ल्याएको थियो । यद्यपि आफ्नो सुरक्षा प्रणाली अपडेट गर्दै गएसँगै कम्पनीले यो फिचर धेरै ठाउँमा बन्द गरिसकेको थियो ।
अन्य सुरक्षा प्रणालीभन्दा लक प्रोफाइल एउटा क्लिकमा नै प्रयोगकर्तालाई आफ्नो अकाउन्ट सुरक्षा गर्न सहज हुने भएकाले युक्रेनी नागरिकका लागि यो फिचर सञ्चालन गरिएको मेटाको सुरक्षा नीतिका प्रमुख नथानियल ग्लेचरले आफ्नो ट्वीट मार्फत बताएका छन् ।
