१.५ वर्षको क्रमिक प्रयासपछि गोकर्णेश्वोर महिला महासंघ दर्ता भएको छ। गोकर्णेश्वोर नगरपालिकाका सम्पूर्ण महिलाहरुलाई आत्मनिर्भर, शाक्षर, सक्षम, सबल र गतिशील बनाउने उद्देश्यले गोकर्णेश्वोर नगरपालिका वडा न.०७ मा गोकर्णेश्वोर महिला महासंघ दर्ता भएको हो। नगरपालिकामा रहेका विभिन्न ०९ वटा महिला समुहको छाता समुहको रुपमा स्थापित उक्त महासंघले गोकर्णेश्वोर नगरपालिकाको महिला समुहहरुसङ्ग सहकार्य गर्दै आफ्नो कार्यक्रमहरु गर्नेछ। यस महासंघ तेह्र सदस्यीय कार्यसमितिले चल्ने भएको छ जसको अध्यक्षता  रेखा अर्यालले गर्नुभएको छ। यस महासंघको केन्द्रीय कार्यसमिती तपशील बमोजिम रहेको छ।                                                         रेखा अर्याल (अध्यक्ष),  शारदा सुवेदी (वरिष्ठ उपाध्यक्ष), मनिशा कटुवाल (उपाध्यक्ष), बिमला श्रेष्ठ (महासचिव), दुर्गा पुडासैनी(राना मगर)(सचिव), प्रमिला शेर्पा(कोषाध्यक्ष ), लक्ष्मी पुडासैनी(प्रवक्ता), पुजा भण्डारी(सह-सचिव), प्राप्ती गुरुङ्ग(सह-कोषाध्यक्ष ) तथा कार्याकारी सदस्यहरुमा शुशिला बराल, रोशनी श्रेष्ठ तथा अश्मिता श्रेष्ठ ।                                                    ” गोकर्णेश्वोर महिला महासंघको परिकल्पना आज भन्दा करिब २ वर्ष अघि नै भएको हो तर यसलाई आज यहाँ सम्म ल्याइपुराउन सहज थिएन। सबै महिलासंघहरु सङ्ग सहकार्य गर्नु, मध्यमार्गमा ल्याउनु, उद्देश्य बुझाउनु र महत्व दर्शाउनु नितान्त गारो विषय रहेको थियो ” अध्यक्ष अर्यालले बताउनुभयो। आउने दिनहरुमा महिला शशक्तिकरणको लागि हरदम प्रयास गर्ने प्रतिवद्दता समेत अध्यक्षले दिएका छन।