काठमाडौँ — अभिनेता भाल किल्मरको निधन भएको छ । ‘टप गन’, ‘द डोर्स’, ‘ब्याटम्यान’जस्ता फिल्ममा गरेको अभिनयका लागि चिनिने अभिनेता भालको ६५ वर्षको उमेरमा निमोनियाका कारण निधन भएको हो ।
सन् २०१५ उनलाई गलाको क्यान्सर भएको थियो । उनको जीवनमा आधारित डकुमेन्ट्री त सन् २०२१ मा कान्स फिल्म फेस्टिभलमा प्रिमियर भएको थियो, जहाँ उनको श्वासप्रश्वासको समस्या देखाइएको थियो ।
भाल मेथड एक्टिङमा प्रख्यात थिए । अभिनय गरिरहेको चरित्रमा उनी यति डुब्थे कि भालको निधनसँगै उनले अपनाएको यो मेथडको अहिले चर्चा भइरहेको छ । सन् १९९३ को ‘टम्बस्टोन’ भन्ने फिल्मको अन्तिम दृश्यका लागि त उनले आफ्नो सुत्ने पलङमै आइस राखेका थिए, जहाँ उनले अभिनय गरे ।
