नमस्कार, आज, २८ फेब्रुअरी २०२५, बिहान २ बजेर ५१ मिनेटमा सिन्धुपाल्चोकको भैरवकुण्ड आसपास केन्द्रविन्दु भएर ६.१ म्याग्निच्युडको भूकम्प गएको थियो। यस भूकम्पको धक्का काठमाडौंसहित देशका विभिन्न स्थानमा महसुस गरिएको छ।
सिन्धुपाल्चोक कारागार: भूकम्पको समयमा आत्तिएर भाग्न खोज्दा एक कैदी बन्दी लडेर घाइते भएका छन्। उनलाई उपचारका लागि जिल्ला अस्पताल लगिएको छ।
कोदारी नाका: भूकम्पका कारण कोदारी नाकामा रहेको सुरक्षा चौकीमा क्षति पुगेको छ। विस्तृत विवरण सङ्कलन कार्य जारी रहेको छ।
प्रशासनको प्रतिक्रिया:
सिन्धुपाल्चोकका प्रमुख जिल्ला अधिकारी किरण थापाका अनुसार, सुरक्षाकर्मीहरूको टोली तयारी अवस्थामा रहेको छ र आवश्यकताअनुसार फिल्डमा खटिने तयारीमा छन्। हालसम्म अन्य कुनै ठूलो क्षतिको विवरण प्राप्त भएको छैन।
