भारतको दिल्लिबाट नेपालको धनगडी आउदै गरेको बसमा भारी मात्रामा भन्सार छली गरि ल्याइएको उपकरण फेला परेको छ।
भारतबाट नेपाल आउने विभिन्न सवारी साधनले भन्सार छली गरि समान भित्राउने बिषय नयाँ भने हैन। तर बसको एसी क्याबिन, बस लाइट भित्र तथा बसको तल्लो भाग र अन्य पत्याउनै नसकिने ठाउँमा लाखौंको मूल्य बराबरको समान भन्सार छली भएको छ।
सनिबार भारतको दिल्लिबाट नेपाल आएको ना.०५ ख २८१६ नम्बरको बसबाट भन्सार छली गरि ल्याइएको १ लाख ८० हजार ५ सय बराबरको समान प्रहरी कार्यलय कैलालीले बरामद गरेको छ। बरामद गरिएका समान मोबाईल फोनका पार्ट पुर्जा रहेका छन।
गएका केही दिन एता भारतबाट नेपाल आउने क्रममा भन्सार छली गरि बरामद गरिएका सामानको मूल्य २६६६००० पुगिसकेको छ।
थप अनुसन्धानको लागि सह चालक र बस प्रहरी कार्यलय कैलालीमा राखिएको छ भने बरामद गरिएका समान भन्सारमा बुझाईएको छ।
