अहिले देशका धेरैजसो ठाउँमा सामान्य बदली भएको छ । बाग्मती र गण्डकी प्रदेशका केही ठाउँमा सामान्य वर्षा भइरहेको मौसम पूर्वानुमान् महाशाखाले जनाएको छ ।
मनसुनको न्यून चापीय रेखा सरदर स्थानको दक्षिणतिर रहेकोले नेपालमा मनसुनको सामान्य प्रभाव परेको हो । नेपालमा अहिले भारतको दक्षिण–पश्चिम उत्तर प्रदेश र आसपासको क्षेत्रमा रहेको न्यून चापीय प्रणालीको समेत आंशिक प्रभाव रहेको छ ।
आज दिउँसो सुदूरपश्चिम, कर्णाली, लुम्बिनी र गण्डकी प्रदेशलगायत देशका पहाडी भू–भागमा आंशिकदेखि सामान्य बदली र बाँकी भू–भागमा आंशिक बदली रहने महाशाखाले जनाएको छ । पहाडी भेगका केही ठाउँमा सामान्य वर्षाको सम्भावना छ । आज राति पनि देशका धेरै ठाउँमा बदली भएर कोशी, मधेस, बाग्मती, गण्डकी प्रदेशका केही ठाउँमा वर्षाको सम्भावना रहेको छ ।
