गोकर्णेश्वर नगरपालिकाका मेयर दिपक कुमार रिसाल स्वास्थ्य खबर हेल्थ अवार्डबाट सम्मानित भएका छन्। प्रधानमन्त्री पुष्पकमल दाहाल प्रचण्डले शुक्रबार याक एन्ड यती होटलमा आयोजित कार्यक्रममा मेयर रिसाललाई उक्त अवार्ड प्रदान गरेका हुन् ।

नसर्ने रोगहरूको न्यूनीकरण तथा नियन्त्रणका लागि उत्कृष्ट योगदान पुर्‍याएबापत रिसाललाई उक्त अवार्ड प्रदान गरिएको हो । अवार्ड वितरणको लागि स्वास्थ्य तथा जनसंख्या मन्त्रालयको नेतृत्वमा गठन भएको छनौट समितिले देशका विभिन्न भागमा कार्यरत स्वास्थ्यकर्मी, जनस्वास्थ्यकर्मी, वकालतकर्ता, नीतिनिर्माता तथा स्वयंसेवीहरूको आवेदन, मनोनयन तथा सिफारिस आएको थियो।

रिसाललाई उक्त छनोट समितिले नसर्ने रोगहरूको न्यूनीकरण तथा नियन्त्रण विधामा अवार्ड प्रदान गर्ने सर्वसम्मत निर्णय गरेको थियो।

‘नेपालमा बढ्दै गएको नसर्ने रोगको भारलाई कम गर्दै नागरिकलाई स्वस्थ राख्न समुदायस्तरमा पुगेर रिसालले निर्वाह गर्नुभएको योगदान र जनप्रतिनिधिका रुपमा समयको समेत पर्वाह नगरी अहोरात्र पुऱ्याउँदै आउनुभएको सेवाको उच्च मुल्यांकन गर्दै अवार्ड प्रदान गरिएको हो ।

अवार्डबाट सम्मानित भएका रिसाललाई प्रधानमन्त्री पुष्पकमल दाहाल प्रचण्डले समेत वधाई दिएका छन् । ११ औं स्वास्थ्य अवार्ड कार्यक्रममा नेपाली कांग्रेसका महामन्त्री तथा सांसद गगन थापाले नगर प्रमुख रिसाललाई शुभकामना दिदै संघीय सरकारले गर्न नसकेको काम स्थानीय सरकाले गर्न सक्ने उदारणको रुपमा गोकर्णेश्वर नगरपालिकाले देखाएको बताएका छन् ।

उता अवार्डबाट सम्मानित भएका मेयर दिपक कुमार रिसालले पत्रकारहरुसँग कुरा गर्दै नगरबासीले रोग लागेर उपचार गर्नु भन्दा रोग लाग्न नै नदिनु बेस भन्ने भनाईलाई चरितार्थ गर्दै नगरपालिका भित्र रहेका सम्पुर्ण महिलाहरुका लागी स्तन र पाठेघर मुखको क्यान्सर सम्बन्धी परिक्षण अनिवार्य गराएकाले अवार्डबाट सम्मानित भएको बताएका छन् ।

मेयर रिसालले गोकर्णेश्वर नगरपालिकाको स्वास्थ्य क्षेत्रमा सञ्चालन गरेका कार्यक्रमहरू मध्य नि शुल्क स्वास्थ्य बीमा, स्वास्थ्य उपचारमा ५० प्रतिशत छुट, ६५ वर्षमाथिका ज्येष्ठ नागरिकलाई रु १ लाखसम्मको उपचारमा ७० प्रतिशत छुट दिने व्यवस्था बढि महत्वपूण रहेका छन् । यति बेला मेयर रिसाललाई सामाजिक संन्जालदेखि प्रत्यक्ष रुपमा वधाई दिने कार्य चलिरहेको छ ।

गोकर्णेश्वर नगरपालिकाको स्वास्थ्य क्षेत्रमा सञ्चालनमा रहेका कार्यक्रमहरू

१) स्वास्थ्य बिमा : गोकर्णेश्वर नगरपालिकामा स्थाई बसोबास गर्ने सम्पूर्ण नागरिकहरूलाई निःशुल्क स्वास्थ्य बिमा सञ्चालन
२) स्वास्थ्य उपचारमा छुटः
क) नेपाल मेडिकल कलेजसँग सम्झौता गरी गोकर्णेश्वर नगरपालिकामा स्थाई बसोबास गर्ने
६५ वर्ष माथीका जेष्ठ नागरिकहरूलाई रु.एकलाख सम्मको उपचारमा ७० प्रतिशत छुट
ख) नेपाल मेडिकल कलेज संग सम्झौता गरी पाठेघरको मुख र स्तन क्यान्सरका सम्भावीत रोगीहरूको रु १५ हजार सम्मको निःशुल्क प्रयोगशाला परिक्षण सेवा ।
ग) नेपाल मेडिकल कलेज संग सम्झौता गरी पाठेघरको निःशुल्क शल्यक्रिया सेवा ।

घ) नेपाल मेडिकल कलेज संग सम्झौता गरी निःशुल्क मोतिविन्दुको शल्यक्रिया सेवा ।
ङ) नेपाल मेडिकल कलेजसँग सम्झौता गरी निःशुल्क प्रशुती सेवा (आमा सुरक्षा कार्यक्रम)
च) नेपाल मेडिकल कलेजको ब्लड बैंकबाट निःशुल्क रक्त सेवा
३) नेपाल मेडिकल कलेज, शंकरापुर अस्पताल र नेपाल अर्थोपेडिक अस्पताल संग सम्झौता गरी गोकर्णेश्वर नगरपालिकामा स्थाई बसोबास गर्ने नागरिकहरूलाई रु। एकलाख सम्मको उपचारमा ५० प्रतिशत छुट ।
४) आम्दा नेपालसँग सम्झौता गरी गोकर्णेश्वर नगरपालिकामा बसोबास गर्ने ३० देखि ६० वर्ष सम्मका महिलाहरूलाई स्तन क्यान्सर र पाठेघरको मुखको क्यान्सरको निःशुल्क परिक्षण ।
५) नगर प्रमुख स्वास्थ कार्यक्रम अन्तर्गत जेष्ठ नागरिकहरूलाई स्
६) फिजियोथेरापिष्ट र मेडिकल अफिसर मार्फत जेष्ठ नागरिक लगायत थेरापी आवश्यक भएका विरामीहरूलाई घुम्ती फिजियोथेरापी र अन्य उपचार सेवा सुरुवात हुँदै ।
७) नगर क्षेत्रमा चार वटा स्वास्थ्य चौकी र पाँच वटा शहरी स्वास्थ्य केन्द्र सञ्चालन र पाँचवटा स्वास्थ्य संस्थामा प्रयोगशाला व्यवस्था गरी सञ्चालन ।
८) गर्भवती सुत्केरीको उत्तर प्रसुती जाँच घर घरमा गएर गर्ने व्यवस्था ।
९) गोकर्णेश्वर नगर अस्पतालबाट सेवा प्रवाह
क) विहान ७:०० बजेदेखि बेलुका ५:०० सम्म ओ. पी डी. सेवा सञ्चालन गरी दैनिक ४०० भन्दा बढी विरामी जाँच ।
ख) अत्याधुनिक उपकरण जडान गरी प्रयोगशाला सञ्चालन ।
ग) मुटुरोग, स्त्री रोग, बालरोग, हाडजोर्नी, रेडियोलोजिष्ट र सामान्य चिकित्सा सेवा का विशेषज्ञहरू राखी उपचार सेवा सञ्चालन ।
घ) आँखा जाँच सेवा सञ्चालन ।
ङ) निःशुल्क एम्बुलेन्स सेवा ।
च) निःशुल्क रेबिजविरुद्धको खोपको व्यवस्था ।