गोकर्णेश्वर नगरपालिकाको कार्यालयमा नगरवासीले ज्ञापन पत्र एवं ध्यानाकर्षण पत्र बुझाएका छन् । विभिन्न १५ बुँदे माग सहित नगरवासीले आज विहान उप –मेयर समक्ष ज्ञापन पत्र बुझाएका हुन ।
उपरोक्त विषयमा यस गोकर्णेश्वर नगरपालिका स्थापना भए यता दोश्रो कार्यकालको रुपमा चलिरहँदा र २०५४ साल देखि यता २० वर्ष सम्म स्थानिय निर्वाचन नभएको कारण स्थानिय नागरिकहरुले पाएको पिडाको अन्त्य हुने आशा र भरोसा भैरहँदा स्थानिय निर्वाचन पश्चात पनि उहि कर्मचारीको मनोमानी, बेथिति, अनियमितता एवं चरम भ्रष्टचार भएको कारण गोकर्णेश्वर नगरबासी अत्यन्त दुःख प्रकट गर्दछौं ।, यस कार्यकाल सुरु भएको एक वर्ष आधा पुग्दा नपुग्दै विभिन्न विषयमा विभिन्न कोणबाट आलोचना एवं टिकाटिप्पणी आईरहेको कुरा हामीले समाजमा प्रसस्तै पाईरहेका छौं । तसर्थ हाम्रो नगरपालिका राम्रो नगरपालिका बनाउँने हेतुका साथ निम्न बमोजिमका बुँदाहरुलाई तत्काल सुधार एवं कार्यान्वयन गर्नका लागि यो ज्ञापन पत्र एवं ध्यानाकर्षण पत्र बुझाएका छौं ।
गाँस, बास, कपास, शिक्षा, स्वास्थ्य एवं रोजगारीलाई पहिलो प्राथमिकतामा राखी कार्य गर्ने गराउने जुन कुरा मानिसको दैनिक जिवन यापनमा अपरिहार्य रहेको हुन्छ ।,नगरपालिका लगायत सबै वडाहरुमा मनोमानी, बेथिति, अनियमितता एवं भ्रष्टचारको अन्त्य गरि सुशासन कायम गर्न गराउँन जोडदार माग गरिन्छ । ,जनताको रगत पसिनाबाट उठाईएको करको दुरुपयोग नगरि हरेक पक्षमा सबल ढंगबाट खर्च गरियोस साथै वार्षिक बजेट विनियोजन गर्दा अध्ययन, अवलोकन तथा फिल्ड निरिक्षण गरेर मात्र गरियोस भनि सुझाब गर्दछौं । ,पर्ती जग्गा संरक्षण गर्ने नाममा विभिन्न फाईदाजनक संघ संस्थालाई प्रदान गरि ठुला ठुला भवन निर्माण गर्ने काम तत्काल रोक्नु पर्ने र सबै ठाउँलाई सिंहारपटार गरि खुल्ला छोड्नु पर्ने आवश्यकता रहेको छ । ,उपलब्धीहिन एवं उत्पादनहिन तरिकाबाट कार्य गर्ने सबै संघ संस्थाहरुलाई छानमिन समिति तयार पारी अनुगमन गरि तत्काल आवश्यक कार्वाही एवं बन्दै गर्नु पर्छ भनि माग गर्दछौं ।,गोकर्णेश्वर नगरपालिकाले आवश्यक ठानी निर्माण गरिएको सबै विभागहरुलाई चलाएमान बनाई आवश्यक रकम सबैलाई बराबर बिनियोजन गरि कार्य गर्न गराउन लगाउन माग गर्दछौं । कर्मचारीहरुलाई क्षमता र योग्यता अनुरुप सेवा सुविधा दिने र उनिहरुको पनि छुट्टै कार्यशैली अनुगमन गर्ने समिति बनाउनु पर्छ भनि माग गर्दछौं । लगायतका कुरा ज्ञापन पत्रमा लेखिएको छ ।
ज्ञापन पत्र लिदै गाकर्णेश्वर नगरपालिकाको उप–मेयर सान्नानी लामाले त्यस विषयमा गहन रुपमा छलफल गरी माग सम्बोधन गर्ने प्रतिबद्वता समेत जनाउनु भएको छ । यस्तै यो ध्यानाकर्षण पत्रको बेवास्ता गरे थप अर्काे कदम सहित नगरपालिकामा आउने नगरवासीले जनाएका छन ।
