गोकर्णेश्वर नगरपालिका वडा नं ५ जोरपाटीमा संचालित विद्या सागर इङलिस बोर्डिङ स्कुलले सरस्वती पुजाको अवसरमा आयोजित विविध सांस्कृतिक कार्यक्रम सहित पुरस्कार कार्यक्रम सम्पन्न भएको छ ।
बिहिबार बिध्यालय प्राङ्गणमा बिध्यालय व्यवस्थापन समितिका अध्यक्षतामा भएको उक्त कार्यक्रममा प्रमुख अतिथिको रुपमा नेपाल दलित विद्यार्थी संघका केन्द्रिय अध्यक्ष राजु सुनार रहेका थिए भने विशेष अथिती यसै स्कुलका प्रीन्सिपल पोस्ट हरि बराल एबम स्कुलका लगायत शिक्षक, अभिभावक र बिधार्थीको बाक्लो उपस्थिति रहेको उक्त कार्यक्रम संचालन बिध्यालय का शिक्षक गौरव बादलले गरेका थिए ।
राष्ट्रिय गान संगै शुरु भएको उक्त कार्यक्रमको प्रमुख अतिथि नेपाल दलित विद्यार्थी संघका केन्द्रिय अध्यक्ष राजु सुनारले पानसमा दिप प्रज्वलन गरि उद्घाटन गरेका थिए ।
उनले सरस्वती पुजाको अवसरमा निशुल्क भर्ना कार्यक्रम समेत राखेको जानकारी दिदै विद्या सागर इङलिस बोर्डिङ स्कुल ले बिधार्थीको सैद्धान्तिक सँग सँगै सर्वाङ्गगिण विकासमा सहयोग पुगोस भन्ने उद्देश्यका साथ बिभिन्न कार्यक्रम गर्दै आएको जानकारी समेत गराएका थिए ।
लामो समयदेखी शैक्षिक सेवा प्रदान गर्दै आएको विद्या सागर इङलिस बोर्डिङ स्कुल ले नियमित पठन पाठन संगै विद्यार्थीहरुको प्रतिभा र सृजनात्मक क्षमता विकासका लागि जोड दिएको बताउदै आगामी दिनमा थप कार्यक्रमहरु ल्याउने जानकारी दिएका थिए । विद्यालयका गतिविधिबारे प्रकाश पार्दै उनले शैक्षिक गुणस्तर अभिवृद्धिमा विद्यालय नयाँ सोच र कार्ययोजना सहित अघि बढेको बताएका थिए ।
कार्यक्रममा प्रमुख अतिथिको रुपमा शुभकामना मन्तब्य राख्दै नेपाल दलित विद्यार्थी संघका केन्द्रिय अध्यक्ष राजु सुनारले कार्यक्रम सफलताको शुभकामना दिदै शिक्षा क्षेत्रमा निजि बिद्यालयले खेलेको भुमीका निकै महत्वपुर्ण रहेको बताए । शिक्षाको विकासका लागि सबैको साझा चासो आवस्यक भएको भन्दै गुणस्तरीय शिक्षा आजको आवश्यकता रहेको बताएका थिए । उनले शिक्षक, बिद्यार्थी र अभिभावक बिचको सुमधुर सम्बन्धले शिक्षण सिकाई प्रभावकारी हुने बताए ।
निजि बिद्यालयले देशको शिक्षा क्षेत्रमा पुर्याएको योगदानको राज्यले कदर गर्नुपर्नेमा जोड दिएका थिए । बिद्यार्थीका कृयाकलापमा अभिभावकले ध्यान दिनु पर्ने भन्दै शैक्षिक सिकाईको बिषयमा बिषेश ध्यान दिनु पर्नेमा जोड दिएका थिए ।
बिद्यालयले अन्तरनिहित क्षमता प्रस्तुत गर्दै उत्कृष्ठ स्थान हाँसिल गर्ने बिद्यार्थीहरुलाई पुरस्कृत गरेका थिए । यसका साथै हाउस वाइज प्रथम,दोस्रो र तेस्रो हुने छात्रा एबम छात्र लाई कक्षा वाइज मेडल तथा प्रमाणपत्र प्रदान गरेका थिए। त्यसैगरि कार्यक्रममा उक्त बिध्यालयमा अध्ययनरत बिद्यार्थीहरुले नृत्य, गीत, कबिता मार्फत मनोरंजन प्रदान गरेका थिए ।
