काठमाडौं – पुष्पकमल दाहाल प्रचण्ड नेतृत्वको सरकारका आठजना मन्त्रीले पद तथा गोपनीयताको शपथ लिएका छन्।
तीनजना उपप्रधानमन्त्रीसहित ८ जना मन्त्रीले शपथ लिएका हुन्। राष्ट्रपति कार्यालय शीतल निवासमा विष्णु पौडेल उपप्रधान तथा अर्थ, नारायणकाजी श्रेष्ठ उपप्रधानसहित भौतिक पूर्वाधार र रवि लामिछानेले उपप्रधानमन्त्रीसहित गृहमन्त्रीको शपथ लिएका हुन्। यस्तै, एमालेबाट दामोदर भण्डारी, ज्वाला साह र राजेन्द्र राई मन्त्री बनेका छन्। प्रधानमन्त्रीपछिको दोस्रो वरीयताको उपप्रधानमन्त्रीमा पौडेल नियुक्त भएका छन्। साथै जननमत पार्टीका अब्दुल खानको कार्यभार भने पछि तोकिने भएको छ।
