नेपाली कांग्रेस काठमाडौँ निर्वाचन क्षेत्र नं ३ ले आज गोकर्णेश्वर वडा नम्बर ५ बाट चुनाब प्रचार प्रसार अभियान तथा र्यालीको सुरुवात भएको छ।
निर्वाचन आयोगले आज देखि देशभर पार्टीगत तथा स्वतन्त्र उम्मेद्वारहरुले प्रचारप्रसार गर्न पाउने बताए लगत्तै हिजो नेपाली कांग्रेस काठमाडौँ निर्वाचन क्षेत्र नं ३ ले पत्रकार सम्मेलन राखेर आज देखि नै चुनावी प्रचारप्रसारमा व्यापकता देखाएको छ।
संघीय उम्मेदवार सन्तोष चालिसे प्रदेश उम्मेदवार छिरिङ दोर्जे लामा तथा समानुपातिक उम्मेदवार गोविन्द पुडासैनीको लागि आम कांग्रेसी कार्यकर्ताहरुले घरदैलोमा भोट माग्दै हिँडेका छन्।
आज सम्पन्न घरदैलो कार्यक्रम बिहान साढे सात बजे शुरु भएर ११ बजे समापन भएको थियो।
र्याली को सुरुवात चामुण्डा मन्दिर बाट भएर चामुण्डा गेट हुँदै अर्घौतेश्वोर मन्दिर, नयाँबस्ती क्लब, बासुकी चोक, सर्वेश्वर मन्दिर, गगन नगर गेट, कोरिडोर सडक, जम्बु डाँडा चौकी, छिमेकी पार्टी प्यालेस , नव ज्योति टोल तथा पृथ्वी टोल ,इस्ट पोल स्कुल,लामा पम्प हुँदै पिस ब्यङ्केटमा आएर समापन भएको थियो।
प्रचारप्रसार ज्यादै भड्किलो नभएतापनि आम कांग्रेसी कार्यकर्ताहरुको उपस्थिती भने बाक्लो नै रहेको थियो।
हिजो प्रकाशित चुनावी एजेण्डाहरु र प्रतिवद्धताहरू पनि घरदैलो कार्यक्रममा उम्मेदवारहरुले बाँड्दै हिँडेका थिए।
नेपाली कांग्रेस काठमाडौँ निर्वाचन क्षेत्र नं ३ ले आज गोकर्णेश्वर वडा नम्बर ५ बाट चुनाब प्रचार प्रसार अभियान तथा र्यालीको सुरुवात भएको छ।
