गोकर्णेश्वोर नगरपालिका-५ स्थित अर्घौतेस्वोर महिला समूहले मन्दिर प्राङ्गणमा उम्मेदवार परिचयत्मक कार्यक्रम सम्पन्न गरेको छ।
आसन्न मंसिर ४ गते हुन गईरहेको प्रदेश तथा प्रतिनिधि सभाको निर्वाचनलाई ध्यानमा राख्दै काठमाडौँ निर्वाचन क्षेत्र नं ३ बाट प्रदेश तथा प्रतिनिधि सभामा आफ्नो उमेद्वारी दिएका नेपाली कांग्रेस तर्फबाट प्रतिनिधिहरुलाई समूहले शुभकामना तथा परिचयत्मक कार्यक्रम राखेको हो।
गोकर्णेश्वर नगरपालिका वडा ५ र ६ का आमा दिदीबहिनी तथा ज्येष्ठ नागरिकहरुको भेलामा नेपाली कांग्रेस पार्टी तर्फबाट संघिए उमेद्वार सन्तोष चालिसे तथा बागमती प्रदेश (क) र (ख) का उम्मेद्वार द्वय छिरिङ दोर्जे लामा र बिमल ठकुरीलाई समुहले परिचित गराएका हुन।
कार्यक्रममा उम्मेद्वारहरुले विगतमा उक्त क्षेत्रका आर्थिक, सामाजिक, पूर्वाधार विकास, खानेपानी व्यवस्थापन , फोहरमैला व्यवस्थापन, शिक्षण क्षेत्र प्रवर्द्धन तथा स्वस्थ क्षेत्र विकासका कार्यमा चर्चा गर्दै आउने निर्वाचनमा सम्पूर्ण उपस्थित महिला दिदिबहिनी तथा ज्येष्ठ नागरिकहरूको साथ र सहयोगको अपेक्षा समेत गरेका थिए।
