गोकर्णेश्वोर ४ स्थित गोकर्णेश्वर युवाको उपकार क्लबले ” नेपाल सम्बत ११४३ न्हू दँ ” को उपलक्षमा आज बुधबार बिहान १२:३० देखि भिन्तुना मोटरसाईकल र्याली कार्यक्रम राखेको छ।
नेपाल सम्बत प्रणेता एवं राष्ट्रीय विभूति शंखधर साख्वाको समाज प्रतिको अविरल योगदानको सम्मान स्वरुप उक्त र्याली राखिएको हो।
गोकर्णेश्वर मन्दिरको प्राङ्गणबाट सुरु हुने उक्त मोटरसाइकल र्यालीलाई सुरुवात गर्न नगरप्रमुख दिपक रिसाल तथा वडा अध्यक्ष जयराम महतको आतिथ्यता रहेको थियो।
सहभागिहरुलाई अबिर र टीका लगाई र्याली सुरु गरिएको थियो।
गोकर्णेश्वोर मन्दिरको प्राङ्गणबाट सुरु भएको उक्त र्याली बालुवा, नयाँपाटी, सुन्दरीजल , गोकर्णेश्वर हुँदै देशे लाक्षीमा समयबजी(तुच्चा) मा विभिन्न कार्यक्रमका साथ समापन भएको व्यवहोरा आयोजक क्लबका अध्यक्ष कमल परियारले बताए।
हजारौं सहभागी हुने यस्तो र्यालीले गोकर्णेश्वोर नगरपालिकाको मौलिकता र पहिचान नेपालभर फैल्याउनलाई सहयोग पुगेको छ।
यस क्लबले हालसालै २० औं दशै रनिङ्गशिल्ड फूटबल प्रतियोगिता समेत गरेको थियो भने यस्तो र्याली बर्सेनि राख्दै आएको छ।
