गोकर्णेश्वोर नगरपालिका वडा न.०३ अवस्थित सगरमाथा पिपल टोल सुधार समितिद्वारा सुभ दिपावलीको अवसरमा सुभकामना आदानप्रदान एवं चियापान कार्यक्रम राखेको छ। बिहान ८:०० बजे सुरु भएको उक्त कार्यक्रममा टोल सुधार समितिले स्थानीय जनप्रतिनिधी, निर्वाचनका उम्मेद्वार टोलबासी , शैक्षिक संस्थाका व्यक्तित्वहरु, समाजसेवी, व्यवसायी तथा अन्य सरोकारवालाहरुसङ्ग छलफल राख्दै टोल सुधार समितिको कार्य, टोल विकास तथा निर्वाचनमा टोलबासीको भुमिका जस्ता विषयमा चर्चा गरियो।
गोकर्णेश्वोर -३ , बस्नेत गाउँ स्थित उक्त समितिले टोलको बाटोघाटो निर्माण, बिजुली बत्ती जडान, पुरातात्विक र ऐतिहासिक धरोहर संरक्षणमा सक्रिय रहि समग्र टोल विकासमा काम गर्दै आएको छ।
टोलको बत्ती जडान गरेको, बाटोमा ग्रावल गरेको तथा प्रवेश द्वार निर्माण गरि सहयोग गर्ने उम्मेद्वार द्वय बिमल ठकुरी र सन्तोष चालिसे तथा निर्वाचन प्रचारप्रसार संयोजक हरिबोल भण्डारीलाई टोल सुधार समितिका अध्यक्ष बालानन्द काफ्ले द्वारा सम्मान पत्र प्रदान गरियो।
