गोकर्णेश्वोर ४ स्थित गोकर्णेश्वर युवाको उपकार क्लबले ” नेपाल सम्बत ११४३ न्हू दँ ” को उपलक्षमा यही कार्तिक ९ गते बुधबार बिहान १०:४५ देखि भिन्तुना मोटरसाईकल र्याली कार्यक्रम राख्ने भएको छ।
नेपाल सम्बत प्रणेता एवं राष्ट्रीय विभूति शंखधर साख्वाको समाज प्रतिको अविरल योगदानको सम्मान स्वरुप उक्त र्याली सम्पन्न हुन गैरहेको हो।
गोकर्णेश्वर मन्दिरको प्राङ्गणबाट सुरु हुने उक्त मोटरसाइकल र्याली बालुवा, नयाँपाटी, सुन्दरीजल , गोकर्णेश्वर हुँदै देशे लाक्षीमा समयबजी(तुच्चा) मा विभिन्न कार्यक्रमका साथ समापन हुने व्यवहोरा आयोजक क्लबका अध्यक्ष कमल परियारले बताए।
उक्त र्यालीको प्रचार प्रसार गर्न र सम्पन्न गर्न/गराउन नगरवासी , इच्च्युक सहभागी तथा सम्पूर्ण सरोकारवालाहरुलाई अनुरोध गर्दै कार्यक्रम संयोजक श्याम कृष्ण श्रेष्ठले सम्बन्धित सबैमा पत्र समेत पठाएका छन।
यश क्लबले हालसालै २० औं दशै रनिङ्गशिल्ड फूटबल प्रतियोगिता समेत गरेको थियो भने यस्तो र्याली बर्सेनि राख्दै आएको छ।
