गोकर्णेश्वोर नगरपालिका वडा न.०५ ले आज वडाका विभिन्न स्थानहरुमा सडक बत्ती जडान गरेको छ।
नेपालीहरुको महान चाड बिजया दशमी तथा दिपावली नजिकिदै गर्दा चोरी , लुटपाट तथा अन्य सामाजिक अपराध र अप्रीय घटना घट्ने प्रवल सम्भावना भएको कारणले वडाले उक्त कार्य गरेको हो।
बत्ती जडान गर्नाले अपराध कम हुने, अपराधी पहिचानमा साहयता मिल्ने तथा राति यात्रा गर्ने पैदलयात्रीलाई सहज हुने कुरा वडा सदस्य कमला नेपालीले बताए।
१०० वटा बत्ती पूर्ण रुपले पर्याप्त नभए ता पनि यसले केही हदसम्म सुरक्षाको प्रत्याभूति भने हुन्छ र निकट समयमा यसै क्षेत्रमा सिसि टिभी पनि जडान गर्ने वडाको योजना छ भनी वडा सदस्य श्री बहादुर योगीले बताए।
” लामो समय देखि वडाको सुरक्षामा हामी अग्रसर छौँ । यो बत्ती रातको समयमा घट्ने घटना न्युनिकरण गर्न चालिएको एउटा कदम मात्र हो” वडा अध्यक्ष नारायण बहादुर सुवेदिले बताए।
वडाले यो कार्य साथसाथै वडा विभिन्न क्षेत्रमा सञ्चालित औषधि पसल, क्लिनिक तथा स्वस्थ सम्बन्धी व्यवसायको प्रतक्ष अनुगमन गरिरहेको छ।
