गोकर्णेश्वर नगरपालिका युवा तथा खेलकुद विकास समिति द्वारा विजया दशमी , शुभ दीपावली, छठ पर्व , नेपाल सम्बत को अवसरमा सुभकामना तथा खेलाडीहरुलाई सम्मान कार्यक्रम राखेको छ।
माकलबारी स्थित ओसिस पार्टी प्यालेसमा सम्पन्न उक्त कार्यक्रममा युवा तथा खेलकुद विकास समितिले आफ्नो कार्यक्रम राखेको हो।
कार्यक्रममा गोकर्णेश्वोर नगरपालिकाका खेलाडीहरुलाई सम्मान गरिएको थियो भने विभिन्न खेलका विधाहरुमा राष्ट्रिय तथा अन्तरास्ट्रिय स्तरमा पदक जित्न सफल खेलाडीहरुलाई प्रोत्साहन र सम्मान दिइएको थियो।
कराते, उसु, ब्याडमिन्टन, भलिबल, धावन तथा अन्य विधाहरुका खेलाडी र खेल क्षेत्रमा आफ्नो सम्पूर्ण जीवन समर्पण गर्ने खेलाडीहरुलाई नगर प्रमुख दिपक रिसाल, खेलकुद विकास समिती संयोजक संजय लामा तथा प्रमुख प्रशाशकिय अधिकारी बैकुण्ठ साप्कोटाले सम्मान दिएका थिए।
स्थानीय सरकारमा हेर्दा गोकर्णेश्वोर नगरपालिका एक मात्र उत्कृष्ट नगरपालिका हो जसले खेल र खेलाडीहरुको मनोबल बढाउन, खेल र क्षमता प्रदर्शन गराउन उचित साहयता पुर्याउदै आएको छ।
कार्यक्रममा बधाई दिदै नगर प्रमुख दिपक रिसालले खेलकुद विकास गर्न कभर्ड हलको निम्ति ७ रोपनी जग्गा लिईसकेको र कामको लागि टेण्डर आह्वान भैसकेको कुरा बताए। साथै २ करोड ३६ लाख रुपैयाँ खेलाडीहरुको समग्र विकास र खेल प्रवर्धनको लागि छुट्टाएको कुरा जानकारी गराउदै कुनै पनि अन्तरास्ट्रिय खेलमा स्वोर्ण रजत तथा कास्य पदक विजेतालाई नगरपालिकाले ३,२ र एक लाख नगद पुरस्कार प्रदान गर्ने उद्घोष समेत गरे।
कार्यक्रम सभापती संजय लामाले गोकर्णेश्वोर नगरपालिकामा निर्मित हुने कभर्ड हल तथा अन्य संरचनामा साफ खेल खेल्ने खेलाडी, एन्फा तथा अन्य खेलकुद संघसंगठनले समेत लाभ लिने बताए।
कार्यक्रममा गोकर्णेश्वोर नगरपालिका खेलकुद विकास समितिले प्रकाशन गरेको पुस्तक समेत विमोचन गरेको थियो भने कार्यक्रम राष्ट्रिय गानबाट सुरु भयो भने रात्री खाना खाएर समापन भएको थियो।
