गोकर्णेश्वोर नगरपालिका-०८ ले नजिकिदै गरेको चाडपर्वलाई मध्यनजर गर्दै शान्ति सुरक्षा तथा ट्राफिक व्यवस्थापन विशयक कार्यक्रम राखेको छ।
गोकर्णेश्वोर नगरपालिका वडा न.०८ ले नजिकिदै गइरहेको चाड विजय दशमी, दीपावली, छठ आदिमा वडामा हुनसक्ने सम्भावित समस्या, चोरी, डकैती, हत्या , लूट्पात तथा अन्य सामाजिक अपराध न्युनिकरण गर्न ट्राफिक प्रहरी निरिक्षक , नेपाल प्रहरीका डि.एस.पी, वडा अध्यक्ष, सदस्यहरु विभिन्न टोल सुधार समितिका प्रमुख, महिला समूह प्रमुख तथा अन्य सरोकारवालाहरु सङ्ग छलफल कार्यक्रम राखेको छ।
कार्यक्रममा बौद्ध ट्राफिक प्रहरी इन्स्पेक्टरले वडामा चाडपर्वमा सवारी चाप नहुने तथापि ठेलागाडा तथा अन्य साधन व्यवस्थापनमा ट्राफिक लागिरहने कुरा जानकारी गर्नुभयो भने महानगरीय प्रहरी वृत्त बौद्ध का डी.एस.पी. बस्नेतले बाहलमा दिईएका सटरहरु ९ बजे राती सम्म मात्र संचालित गराउने, सामाजिक सञ्जालबाट सम्भावित भित्रिने सामाजिक दुर्घटनाहरु निराकरण गर्ने, लागु पदार्थ दुर्व्यसनमा फसेका युवाहरु को जमातलाई नियन्त्रण गर्ने, मादक पदार्थ तथा लागुपदार्थ सेवन गर्नेहरूलाई तुरुन्तै कारबाही गर्ने, चोरी डकैती जस्ता कार्यहरु पूर्णरुपमा निराकरण गर्ने जस्ता विषयमा आफ्नो भनाईहरु राखे।
वडाध्य्क्ष नन्दलाल श्रेष्ठले वडामा सि.सि. टिभी जडानका प्रक्रियाहरु भइरहेका र जडान भैसकेका उपकरणको व्यवस्थापन, तार बिजुली व्यवस्थापन तथा शान्ति सुरक्षा कायम गर्न वडा सधैं तत्पर रहेको कुरा व्यक्त गरे।
साथै उनले कार्यक्रममा उपस्थित टोल सुधार समितिका प्रमुखहरु, शैक्षिक संस्थान महिला समूह तथा अन्य सरोकारवालाहरुसँग हातेमालो गरेर यस चाडपर्वलाई सुरक्षित र सभ्य बनाउन सकिने कुरा व्यक्त गरे।