नेपाली कलाकारिता क्षेत्रमा पछिल्लो समयमा नयाँ आयाम, प्रभाव र अन्तरास्ट्रिय चासो बढ्दो क्रममा रहेको पाइएको छ।
” याम आर्ट्स ” थिएटर बाट कलाकारिताको सुतुवात गरेका तथा भारतको ब्याङ्गलोरमा औपचारिक मोडलिङ्ग प्रशिक्षण पाएका गोकर्णेश्वोर नगरपालिका-५ निवासी शेखर सुवेदी पछिल्लो समयमा , चि मुसि चि, निर्भया, गाजाबाजा, भाडाकुटी, एस्तो यो माया, खल्लास तथा दक्षिण भारतीय चलचित्रमा समेत आफ्नो अभिनय प्रस्तुत गरिसकेका छन।
पछिल्लो समयमा उनका Mythological Theme (पौराणिक धार) मा प्रस्तुत गरिएको उल्लेख्य मोडलिङ्गका तस्वीर अन्तरास्ट्रिय जगतमा ख्यातिप्राप्त रुस राज्यको Marika Magazine ( मारिका पत्रीका ) मा छनोट भएको छ।
अन्तरास्ट्रिय जगतमा नवीन , पौराणिक , ऐतिहासिक, राजनैतिक, कलात्मक तथा अन्य सामाजिक विधामा कलाकारहरुको तस्विर खोज अनुसन्धान गर्दै यो पत्रीकाले प्रकाशित गर्ने गरेको छ।
मोडल सुवेदिको पौराणिक पहिरन र राजकीय मोहडाको उल्लेख्य प्रासंसा सहित मारिका पत्रीकाले उनको तस्विर छनोट गरेको हो।
पाटन दरबार स्क्वाएरमा गरिएको उक्त फोटोशूटमा डि.जे. स्कल् को टिमले तस्विर लिएका थिए भने स्टाएलिस्ट सुशील प्रजापती र उनका टिमले निर्देश गरेका थिए।
अन्तरास्ट्रिय जगतमा समेत नेपाली कलाकारहरुको पहिचान बढ्दै जाने यस क्रमले नेपाली मौलिकता र पहिरन अन्तरास्ट्रिय बजारमा प्रस्तुत हुनका साथसाथै वाह्य पर्यटन प्रवर्द्धनको सम्भावना समेत प्रवल हुने देखिएको छ।
