गोकर्णेश्वोर नगरपालिकाले फोहर व्यवस्थापन गर्नका लागि सर्वसाधारणलाई सर्बजनिक सूचना र उर्दी प्रशारण गर्दै आइरहेको छ। खाद्य तथा अखाद्य वस्तुको वर्गीकरण गर्ने, कुहिने र नकुहिने फोहरलाई छुट्याउने र व्यवस्थापन गर्ने सम्बन्धमा सार्वजनिक सुचना प्रवाह गरिरहेको छ।
यसलाई उदाहरणको कार्य भन्न पर्छ तर यसको व्यवहारिक पक्षलाई नगरपालिकाले नकारेको देखिन्छ। घर धुरिलाई मात्र प्रार्थमिकतामा राखेको यो उर्दिले सट्टर भाडामा लिएर व्यवसाय गरिरहेका श्रमजिवीहरुलाई थप मार यसले पारेको देखिन्छ।
फोहरको वर्गिकरण गर्न उचित साधन ( डस्टबिन, कम्पोस्ट बिन आदिको) उपलब्धताको विषयमा नगरपालिका मौन रहेको देखिएको छ।
सर्वसाधरणको गुनासोलाई मध्य नजर गर्दै सोधिएको प्रश्नमा एक स्थानीय व्यपारीले हामीलाई भने , ” वर्षा र घामले गर्दा फोहर कुहिन्छ र थप दुर्गन्ध हुन्छ, हामी सङ्ग त्यस्ता फोहर बटुल्ने साधन छैन र फोहर लिन पनि गाडी ठिक समयमा आउदैन, येसले थप प्रदुषण मात्र ल्याउछ”
हुन पनि खेत वारि भएमा मल बनाउन प्रयोग हुने थियो कुहिने फोहर तर सबै ठाउँ ढलान भएकोले दुई दिनमा नै वातावरण दुर्गन्धित हुने पक्का छ। लगभग हजारौंको संख्यामा रहेका साना होटल, फलफुल पसल, सब्जी तथा खाध्यान्न पसलहरुबाट दैनिक कुहिने फोहर निस्कन्छ तर त्यसको उचित व्यवस्थापनका साधन र आधार नभएकोले वातावरण प्रदुषित भै हैजा, झाडा लगायतका रोगको सिकार नगरपालिकाबासी हुने निस्चित छ।
नगरपालिकाले ठाडो आदेश सङ्ग्सङ्गै बासिन्दाहरुलाई बजेट बिनियोजन गरि फोहर व्यवस्थापनका साधन उपलब्ध गराएमा र निरन्तर फोहर लिन गाडी पठाएमा यो कार्य उदाहरणीय र सम्भव देखिन्छ।