आर्थिक वर्ष २०७९/०८० बजेट निमार्णका बेला अनधिकृत व्यक्तिलाई अर्थमन्त्रालयमा प्रवेश गराई करको दायरा हेरफेर गरेको विषयमा छानबिन गर्न गठित संसदीय विशेष समितिले सिसिटिभी फुटेज हेर्ने भएको छ । समितिले मन्त्रालयको सिसिटिभी ‘हार्ड डिस्क’ अध्ययन गर्ने भएको हो ।
मन्त्रालयका अधिकारीहरुले भने जेठ महिनाको फुटेज डिलिट भएको बताउँदै आएका छन् । यता समितिका सचिव सुरेन्द्र अर्यालले प्रावधिक अध्ययन सकिएपछि निवर्तमान अर्थमन्त्री शर्मालाई बोलाएर बयान लिने तयारी समितिले गरेको जानकारी दिए ।
अर्यालका अनुसार हिजो राति ८ बजेसम्म पनि समितिले सो प्रकरणका बारेमा सरोकारवाला व्यक्तिसँग बयान, छानबिन र अध्ययन गरेको थियो ।
