काठमाडौ जिल्ला, गोकर्णेश्वोर नगरपालिका वडा न.०४ स्थित गोकर्णेश्वोर महादेवको मन्दिरमा क्षमा पुजा सम्पन्न भएको छ।
मौलिक, धार्मिक, संस्कृतिक, र ऐतिहासिक महत्व बोकेको उक्त मन्दिरको नामले गोकर्णेश्वोर नगरपालिका चिनिएको हो।
सो पुजामा गोकर्णेश्वोर नगरपालिकाका मेयर, उप मेयर, वडाका वडा अध्यक्षहरु, नवनिर्वाचित जनप्रतिनिधिहरु, प्रदेश सान्सद, तथा नेपाली कांग्रेस र एमालेका निवर्तमान जनप्रतिनिधिहरुको उपस्थिती रहेको उक्त कार्यक्रम भव्यताका साथ मनाइयो।
यश अघि गोकर्णेश्वोर नगरपालिकाले उक्त मन्दिरमा छानो हाल्न र व्यवस्थापन गर्न करिव १८ करोड रुपैया खर्छ गरिसकेको छ भने अहिले सुनको जलप लगाइएको छाना नयाँ प्रविधिबाट सफा गर्ने प्रक्रीया पनि सुरु भएको छ।
गोकर्णेश्वोर महादेव मन्दिरमा विभिन्न तिर्थालु तथा श्राद्दालू भक्तजनहरुको विभिन्न चाड पर्व र तिथिहरुमा घुइचो लाग्ने गरेको छ। नजिकै घाट समेत भएकोले कतिपया मृत्युसन्स्कार को कार्य समेत यहाँ हुने गरिएको छ।
