स्थानीय निर्वाचन २०७९ बाट निर्वाचित गोकर्णेश्वर नगरपालिका वडा नम्बर ५ का जनप्रतिनिधिहरूको कार्यालय प्रवेश र पद वाहर कार्यक्रम सम्पन्न भएको छ।
गोकर्णेश्वर नगरपालिकाको कार्यालयमा सपथग्रहण को कार्यक्रम समापन भएलगत्तै आफ्नो वडामा आएर नव निर्वाचित वडा अध्यक्ष तथा वडा सदस्यहरुले आफ्नो पद वाहर ग्रहण गरेका हुन।
गोकर्णेश्वर -५ मा वडा अध्यक्ष र वडा सदस्यहरु सबै नेपाली कांग्रेसबाट नै विजयी भएका छन्। गोकर्णेश्वर नगरपालिकामा भएको चुनावमा सम्भवत सबै वडाहरु भन्द अत्याधिक बहुमतले यस वडामा कांग्रेस विजयी भएको छ। नवनिर्वाचित वडा अध्यक्ष नारायण बहादुर सुवेदीको यो दोस्रो कार्यकाल रहेको छ भने सम्पूर्ण वडा सदस्यहरु नवनिर्वाचित कांग्रेसबाटका जनप्रतिनिधि रहेका छन। सदस्यहरुमा श्री बहादुर योगी, धर्मा थिङ लामा, कमला नेपाली र लक्ष्मी राना मगर रहेका छन।
यश अघि गोकर्णेश्वोर -५ मा नेपाली कांग्रेसबाट एक वडा अध्यक्ष र एमाले बाट चार वडा सदस्य निर्वाचित भएका थिए।
विधिवतरुपमा पद वाहर गर्ने नारायण बहादुर सुवेदी गोकर्णेश्वोर नगरपालिकामा जनप्रीय नेताको रुपमा स्थापित भैसकेका छन।
