स्थानीय तहको चुनाव नजिकिँदै गर्दा जिल्ला,प्रदेश , नगर र वडाका सबै सदस्यहरुको सक्रियता बढ्दो रुपमा देखिएको छ। स्थानीय चुनावको पाँच वर्षपछि स्थानीय तहमा निर्वाचित जनप्रतिनिधिहरुले राजीनामा दिनुपर्ने प्रावधान नेपालको संविधान धारा ३३२ ले दिएको छ तथापी कार्यकाल सकिएको छ महिनाभित्रमा निर्वाचन गरिसक्नुपर्ने कुरा हो । यसै संवैधानिक मान्यतालाई पुर्ण रुप दिनको लागि गोकर्णेश्वर नगरपालिका वडा नं ८ का वडा कार्य समितिका पदाधिकारीहरुले आउने निकट दिनमा नै जनप्रतिनिधीको पदबाट राजीनामा दिने तयारीमा रहेका छन्। संविधानले तोके बमोजिम स्थानीय तहको निर्वाचनमा वडा कार्यसमितिमा एक वडा अध्यक्षक् र चार सदस्य गरी ५ जनाको कार्य समिति रहने प्रावधान छ भने ५ वर्षको कार्यकाल समाप्ती अघि वा त्यसको ६ महिना नपुग्दै स्थानीय तहको निर्वाचम गराइसक्नुपर्ने हुन्छ।
जनप्रतिनिधिहरुले राजिनामा दिएर अब चुनावको तैयारीमा नै लाग्न खोज्ने सम्भव त गोकर्णेश्वर नगरपालिका भित्र नै यो पहिलो वडा हुनेछ। यस वडा भित्र आकांक्षीहरूको संख्या वृद्धि भइरहेको भए तापनि वडा अध्यक्ष तथा ४ जना वडा सदस्य पहिलेकै जनप्रतिनिधिहरुको दोहोरिने प्रबल सम्भावना देखिएको छ। उक्त कार्यसमितिमा वर्तमान अध्यक्ष मनोज कुमार ढुंगाना छन् भने वडा सदस्यहरुमा नन्द लाल श्रेष्ठ, डम्बर बहादुर श्रेष्ठ, सान्नानी लामा र सोविता मिजार रहेका छन।
यी सबै जनप्रतिनिधिहरुको जमात गोकर्णेश्वर नगरपालिका भित्र नै पहिलो यस्तो वडा हुनेछ जसले ठीक समयमै जनप्रतिनिधिहरूको राजीनामा दिने निर्णय गरेको छ र स्थानीय निर्वाचनलाई सहयोग पुर्याएको छ।
