नेपाल विद्यार्थी संघ काठमाडाैंले स्थानीय निर्वाचनमा नेतृ सिर्जना सिंहलाई काठमाडौं महानगरपालिकामा मेयरकाे उमेदवार बनाउन माग गरेकाे छ । नेविसंघ काठमाडौं जिल्ला समितिले वैशाख ३० मा घाेषित स्थानीय निर्वाचनमा सबैभन्दा उपयुक्त पात्र सिंह भएकाे भन्दै यस्ताे माग गरेकाे कार्यवाहक जिल्ला अध्यक्ष जीवन श्रेष्ठले बताए ।
कांग्रेस काठमाडौं महानगरपालिकालाई नेविसंघ काठमाडौंले सिंहलाई उमेदवार बनाउन ध्यानाकर्षण गराएकाे हाे । नेविसंघका पूर्वमहामन्त्री मनाेज वैद्यसहित काठमाडौं जिल्ला समिति र विभिन्न क्याम्पसमा अध्ययनरत विद्यार्थीहरूले चाक्सिबारी पुगेर सिंहलाई भेटेरै मेयरमा अघि बढ्न पनि आग्रह गरे ।
सिंह नेविसंघकाे पृष्ठभूमिबाट उदाएकी नेतृ हुन् । पम्फा भुषाललाई हराएर शंकरदेव क्याम्पसमा सिंह स्ववियु काेषाध्यक्ष बनेकी थिइन् । त्यसयता उनी सामाजिक काम र महिलाकाे हकअधिकारकाे पक्षमा सक्रिय रहँदै आएकी छन् । यसअघि महिला संघ काठमाडौंले पनि सिंहलाई उमेेेदवार बनाउन माग गरिसकेकाे छ ।
