स्थानीय निर्वाचनको मिति बैशाख ३० गते घोषणा भएलगत्तै वडा, नगर, प्रदेश तथा जिल्लाहरुमा आकांक्षीहरूको संख्या बढ्दो रुपमा देखिएको छ। यसैक्रममा गोकर्णेश्वर नगरपालिका वडा नं ४ निवासी रोशन बाबु श्रेष्ठले पनि वडा सदस्यमा आफ्नो उम्मेद्वारी दिने भएका छन। श्रेष्ठ गोकर्ण बचत तथा ऋण सहकारी संस्थाका अध्यक्ष मात्र नभै एक उद्यमशील युवा, सफल व्यवसायी र समाजसेवी पनि हुन्। लामो समयदेखि लाइन्स क्लबमा आवद्ध रही समाजका विभिन्न क्षेत्रहरुमा उल्लेखनीय योगदान पुर्याउने युवामा श्रेष्ठ पर्दछन्। गोकर्णेश्वोर नगरपालिकामा परिवर्तनको सम्भावना प्रचुर मात्रामा भएको कारण नै श्रेष्ठले आफ्नो स्पष्ट नीति, धारणा र कार्ययोजना नोर्वाचन घोषणापत्रद्वारा सार्वजनिक समेत गरिसकेका छन। केन्द्रिय सरकार गठबन्धनमा रहेकै कारण यसको असर प्रदेश र नगरपालिकाको चुनाबी संरचनामा पनि पर्ने लगभग निस्चित छ। श्रेष्ठ लामो समयदेखि नेपाली कांग्रेसको राजनीतिमा सक्रियता साथ लागिरहेका छन्। गोकर्णेश्वर नगरपालिकामा स्थानीय निर्वाचन २०७४ देखि नै नेपाली कङ्रेस पार्टी को पकड राम्रो रहेको छ। वडा सदस्यमा आफ्नो नामको घोषणा गरेका श्रेष्ठ प्रवल दावेदार पनि हुन भन्ने बुझिन्छ।
