गोकर्णेश्वर महादेव मन्दिर प्रांगणमा महाशिवरात्रीको अवसर पारेर प्रबन्ध समिति म्याग्दी प्रबन्ध समिति श्री गोकर्णेश्वर महादेव मन्दिर क्षेत्र प्रबन्ध समिति द्वरा दिवाकालीन तथा रात्रिकालीन कार्यक्रम समापन भएको छ !
यस कार्यक्रमका सभापति ४ नं वडा का वडा अध्यक्ष श्री कुमार श्रेष्ठ कार्यक्रम सयोजक धार्मिक तथा आध्यात्मिक सद्भावना दूत रेखा अर्याल, कार्यक्रम संचालक ईश्वर पाण्डे, तथा प्रमुख अतिथि मेयर सन्तोष चालिसे र उपप्रमुख सान्ति नेपाल रहेका थिय कार्यक्रमको सह आयोजक विश्वहिन्दु महासंघ काठमाडौँ जिल्ला समितिको गोकर्णेश्वर बागमती गंगा आरती समिति गोकर्णेश्वर युवा उपकार क्लब र गोकर्णेश्वर युवा समूह रहेको छ |
यसैगरी गोकर्णेश्वर महादेव मन्दिरमा पनि मङ्गलबार रातिसम्म नै भक्तजनको भीड लागेको थियो । गोकर्णेश्वर मन्दिर क्षेत्रलाई पनि बिजुली बत्तीले झिलीमिली बनाइएको थियो । पशुपतिनाथमा श्रीयन्त्रको पूजा आराधना हुने र गोकर्णेश्वर महादेव मन्दिरमा बालयन्त्रको पूजा आराधना हुने गर्छ । श्रीयन्त्रको पूजा आराधनामा सहभागी हुनेले फल प्राप्तिका लागि बालयन्त्रको पूजा आाराधनामा पनि सहभागी हुनुपर्ने शास्त्रीय मान्यता भएकाले पनि पशुपतिनाथ आएका केही भक्तजन गोकर्णेश्वर आउने गर्छन् ।
भक्तजनका कारण गोकर्णेश्वर महादेव मन्दिर क्षेत्रमा जम्मा भएको फोहर आज बिहान सफाइ गरिने भएको छ । वाग्मती सुन्दरता सरोकार मञ्चको नेतृत्वमा गोकर्णेश्वर महादेव मन्दिर क्षेत्रमा सफाइ गर्न लागिएको अध्यक्ष उत्तम पुडासैनीले जानकारी दिनुभयो । मञ्चले गुह्येश्वरीमाथिको वाग्मती सफाइ गर्दै आएको छ । मुहानदेखिकै वाग्मती सफाइ अभियानमा जुटेको मञ्चले प्रत्येक हप्ताको शनिबार नियमितरूपमा बिहान दुई घण्टा गुह्येश्वरीमाथिको वाग्मतीमा सफाइ गर्छ ।
