फ्रेन्च लिग वानमा पेरिस सैन्ट जर्मेन (पीएसजी)ले सहज जित निकालको छ । गएराति भएको खेलमा पीएसजीले सेन्ट इटिएनलाई ३–१ गोल अन्तरले पराजित गरेको हो ।
पीएसजीलाई सहज जित दिलाउको लागि केलियन एमबाप्पेले दुई गोल र एक असिस्ट दिए । पीएसजीको लागि अर्को गोल डानिलो पेरेइराले गोल गरे । सेन्ट इटिएनका डेनिस वोउएंगाले गरेको गोल सान्त्वना बन्यो ।
खेलको १६औं मिनेटमा डेनिसले गोल गर्दै सेन्ट इटिएनलाई अग्रता दिलाएका थिए । ४२औं मिनेटमा एमबाप्पेको गोल गर्दै खेल १–१ को बराबरीमा ल्याए । उनले लियोनेल मेस्सीको पासमा गोल गरेका थिए ।
४७औं मिनेटमा मेस्सीकै पासमा एमबाप्पेले गोल गर्दै पीएसजीलाई अग्रता दिलाए । ५२औं मिनेटमा डानिलो पेरेइराले गोल एमबाप्पेको पासमा गोल गर्दै पिएसजीलाई ३–१ ले अघि बढाए । त्यसपछि दुवै टोलीबाट थप गोल हुन नसक्दा खेल पीएसजीले जित्यो ।
यो जितसँगै पीएसजीले शीर्षस्थानमा १६ अंकको स्पष्ट अग्रता लिएको छ । पिएसजीको २६ खेलबाट ६२ अंक जोडेको छ । दोस्रो स्थानमा रहेको निसको ४६ अंक छ ।
पराजित सेन्ट इटिएन २२ अंक जोडेर १६औं स्थानमा रहेको छ ।
