हाल युक्रेनको राजधानी किभ नजिकै रहेकी भोजपुरकी निशा राईले टेलिफोनमा भनिन् ।
रुसले युक्रेनमाथि सैनिक हमला गरेपछि त्यहाँस्थित नेपालीहरू कसरी ज्यान बचाउने भन्नेमा चिन्तित हुन थालेका छन् । यसैमध्येकी एक हुन्, निशा ।
किभ शहरदेखि ५ किलोमिटरनजिकै रहेको एउटा बोरा गोदामभित्र लुकेर आफूले ज्यान जोगाइरहेको छ ‘बाहिर बेलाबेला बम पड्किएको र गोली चलेको आवाज आउँछ । त्यतिबेला अब अन्तिम हो कि भन्ने ठानेर सातो जान्छ । अनि फेरि होसमा आएका बेला भाग्न खोज्छौं । तर, बाहिर निस्कन सक्ने अवस्था छैन,’ उनले भनिन्, ‘घर फर्किन पाए हुन्थ्यो भन्ने छ । तर, एक सातादेखि युक्रेनमा सवारीसाधन चलेको छैन । कतै जान पाएको छैन ।’
राई २ वर्ष अगाडि युक्रेन पुगेकी हुन् ।
यस्तै बाग्लुङका किशोर थापा पनि युक्रेनी शहर सेफहिल्डकाे एउटा होटलमा शरण लिएर बसेका छन् । मध्यरातदेखि युक्रेनमा आक्रमण भएदेखि अत्तालिएर सुत्न नसकेको उनले बताए । थापा अध्ययनका लागि ५ महिनाअघि युक्रेन पुगेका थिए ।
‘यहाँ बम पडकिएको आवाज सुनेपछि सबै मरेजस्तो गर्छन् । परिवारसँग सम्पर्क भएको छैन,’ उनले भने, ‘कहाँ र कसलाई शरण माग्ने हो थाहा छैन । बाँचिन्छ जस्तो छैन ।’ रुस र युक्रेनका सेनाबीच गोली हानाहान भइरहेको उनले बताए ।
युक्रेनमा नेपालको राजदूतावास छैन । जर्मनीस्थित दूतावासले यो मुलुकमा रहेका नेपालीको समस्या सम्बोधन गर्ने जिम्मा पाएको छ । तर, जर्मनीस्थित नेपाली दूतावासमा सम्पर्क नभएको थापाले गुनासो गरे । ‘कति धेरै पटक फोन गरिसकियो । तर, उठ्दैन,’ उनले दुःख पोखे, ‘अब के गर्ने भनेर सोच्नै सकिएको छैन ।’
