इलाम । आईईसीसी टि–२० विश्कप अन्तर्गत ग्लोबल छनोट खेलमा समूह ‘बी’ अन्तर्गत आज नेपालले फिलिपिन्सविरुद्ध १३६ रनको फराकिलो जीत निकालेको छ । टस हारेर नेपालले दिएको २१९ रनको लक्ष्य पछ्याउने क्रममा फिलिपिन्सले निर्धारित २० ओभरमा ८ विकेटको क्षतिमा ८२ रन बनाएको थियो ।
फिलिपिन्सका लागि जोर्डन एलेग्रा सर्वाधिक २७ रन बनाएका थिए । त्यस्तै डेनियल स्मिथले २० रन र कप्तान जोनाथन हिलले ११ रनको योगदान गरे । अन्य व्याट्समेनले दोहो अंक जोड्न सकेनन् ।
वलिङतर्फ नेपालका कप्तान सन्दीप लामिछानेले ४ ओभरमा ९ रन दिएर तीन विकेट निकालेका थिए । दिपेन्द्र सिं एरी, कुसल मल्ल, अभिनास वोहोरा, जितेन्द्र मुखिया र गुल्सन झाले समान १÷१ विकेट निकालेका थिए ।
यसअघि टस हारेर व्याटिङको निम्तो पाएको थियो । नेपालले निर्धारित २० ओभरमा कुशल भुर्तेलको सतकमा तीन विकेटको क्षतिमा २१८ रन बनाएको हो । नेपालका लागि सतकीय पारी खेलेका भुर्तेलले ६१ बलको सामना गर्दै १३ चौका र १ छक्काको मद्दतमा नटआउट १०४ रन बनाएका थिए ।
त्यस्तै अर्का ओपनर असिफ शेख भने शून्य रनमा आउट भएका थिए । शेख आउट हुँदा नेपालको स्कोर ९ रन रहेको थियो । दोस्रो ओभरको पहिलो बलमा शेख आउट भएपछि आएका कुशल मल्लले पनि राम्रो व्याटिङ गर्न सकेनन् । उनी चौथो ओभरको दोस्रो बलमा व्याक्तिगत १२ रनको स्कोरमा आउट भए ।
मल्ल आउट भएपछि आएका दिपेन्द्र सिं एरीले भने आक्रमक शुरुवात गर्दै ४७ बलमा ६ चौका र ४ छक्काको मद्दतले ८३ रन बनाउँदै १८.५ ओभरमा आउट भए । त्यसबेला नेपालको स्कोर २०७ रन रहेको थियो ।
लोकेश बमले भने ३ बलको सामना गर्दै १ छक्काको मद्दतमा ६ रन बनाए । फिलिपिन्सको बलिङ धरैनै फितलो देखियो । फिलिपिन्सका तर्फबाट डेनियल स्मित, मिग्गी पोडोस्गी र गुरभुपिन्दर चौहानले समान १/१ विकेट निकालेका थिए ।
आजको खेलमा मेन अफ द म्याच सतकबाज कुशल भुर्तेल भएका छन् । नेपालले २ खेलमा ४ अंक जोड्दै समूह ‘बी’को शीर्ष स्थानमा रहेको छ । नेपालले अर्को खेल तथा लिगको अन्तिम खेल केनडासँग सोमबारबाट खेल्नेछ । नेपाल क्वलिफाई हुनका लागि फाइनलिस्ट हुनु पर्नेछ । फाइनल खेल्ने दुई टीम विश्वकपको लागि छनोट हुनेछन् ।
