काठमाडौं-नायिका रेखा थापा विबाह बन्धनमा बाधिएकी छन् । उनले केही दिन अघि अमेरिका बस्दै आएका बलराम शाहीसँग कोर्ट म्यारिज गरेकी हुन्। थापा र शाही लामो समयदेखि प्रेममा थिए। उनीहरूले काठमाडौं जिल्ला अदालतमा पुगेर कोर्ट म्यारिज गरेको बताइएको छ । थापाले यसअघि निर्माता छविराज ओझासँग विवाह गरेकी थिइन्। उनीहरूले ९ वर्षअघि डिभोर्स गरेका थिए। हिम्मत, किस्मत, कसले चोर्यो मेरो मनलगायत चलचित्रमा अभिनय गरेकी उनले फिल्म हिरोबाट फिल्म क्षेत्रमा डेब्यु गरेकी हुन् ।गत मंसिरमा भएको राष्ट्रिय प्रजातन्त्र पार्टीको महाधिवेशनमा थापा महामन्त्रीमा उठेकी ३९ वर्षीया थापाले पराजय भोगेकी थिइन् ।
