जिल्ला प्रहरी कार्यलय रुपन्देहीले अवैध रूपमा आयात गरिएको बोइलर कुखुरा नियन्त्रणमा लिएको छ । शुक्रबार पिकअप गाडीमा भन्सार तथा क्वारेन्ठाइन नाका छली ल्याइँदै गरेको ३ सय ६५ वटा बोइलर कुखुरा नष्ट गरिएको पशु क्वारेन्टाइन चेकपोष्ट, बेलहियाका प्रमुख डा. शिव लाल भुसालले बताए ।
उनका अनुसार नेपालमा प्रतिबन्धित भारतीय बोइलर कुखुराको चल्लाहरू भएको ठहर भएकाले पशु स्वास्थ्य तथा पशु सेवा ऐन २०५५ को दफा २० (१) अनुसार कार्बाहि गरिएको छ । विदेशबाट स्थल मार्ग हुँदै नेपालमा कुखुरा, चल्ला, अण्डा तथा मासुजन्य पदार्थ आयात गर्न प्रतिबन्ध छ ।
तर, दैनिक भारतका विभिन्न सहरबाट चोर नाका हुँदै अवैध कुखुरा र अण्डा नेपाल भित्रिँदै आएको छ । जसले गर्दा नेपाली व्यवसाय तथा किसानहरू मर्कामा पर्ने गरेका छन् ।
