धुर्मुस सुन्तली फाउण्डेसनका संस्थापक तथा चर्चित हास्य कलाकार जोडी धुर्मुस (सिताराम कट्टेल) र सुन्तलीले (कुञ्जना घिमिरे) तेस्रो एकीकृत नमुना बस्ती निर्माण गर्ने बताएका छन् ।
विनासकारी भूकम्पले घरबार बिहिन भएका काभ्रे स्थित पहरी बस्ती र सिन्धुपाल्चोकको गिरानचौरमा एकीकृत नमुना बस्ती निर्माण गरिन सिङ्गो राष्ट्रमा नै उदाहरणी काम गरेर देखाएका धुर्मुस–सुन्तलीले बर्दिबास–२, महोत्तरीमा तेस्रो नमुना बस्ती बनाउने बताएका हुन् ।
तराई प्रदेशको सबैभन्दा बिपन्न मुसहर जातिहरुको ठूलो संख्यामा बसोबास रहेको उक्त क्षेत्रमा उनीहरुले ५० वटा घर निर्माण गर्ने बताएका हुन् । सो बस्ती निर्माणका लागि ४ करोड ७८ लाख लाग्ने अनुमान गरिएको छ ।
धुर्मुस–सुन्तली फाउण्डेशनका अध्यक्ष सिताराम कट्टेलका अनुसारः– चरम गरिबीको चपेटामा रहेका मुसहरहरु आफ्नो दैनिक गुजराका निम्ती दाउरा बेच्दै आएका छन् ।
मानिसको अति आवश्यक गाँस, बास र कपासको समेत समस्या रहेको मुसहर बस्तीमा अहिले निकै परिर्वतन देखा परिसकेकाले ५० परिवार मुसहरलाई उपहारस्वरुप घर प्रदान गर्न लागिएको र यसका लागि देश तथा विदेशमा रहनुहुने सबै नेपाली दाजुभाई तथा दिदीबहिनीहरुको साथ र सहयोगको जरुरी छ ।
साथै हामीहरुले गिराञ्चौर एकीकृत नमुना बस्ती निर्माणबाट बचेको १ करोड ३ लाख ६६ हजार ३ सय १ रुपैयाँ पनि यही बस्ती निर्माणमा प्रयोग हुनेछ ।
भिडियो ः–
