साताको कारोबारको पहिलो दिन आइतबार सेयर बजार मापक नेप्से परिसूचक दोहोरो अंकले बढेको छ । बिहीबारको तुलनामा नेप्से परिसूचक ६२.६१ अंकले बढेर २११७.७३ बिन्दुमा पुगेको हो ।
आइतबार नेप्सेमा कुल २७५ कम्पनीको १ करोड ४७ लाख ५१ हजार २ सय ४७ कित्ता सेयर खरिद बिक्री हुँदा ६ अर्व ४९ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ४९ करोड ९० लाख ७३ हजार ९ सय २० रुपैयाँ १० पैसा बराबरको सेयर कारोबार भएको छ ।
यस्तै आइतबार सेयर बजारमा लाइफ इन्स्योरेन्स कर्पोरेशनका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा हिमालयन लाइफ इन्स्योरेन्स, एनएमबि-५०, समलिंग पावर, बिपीडब्लु लघुवित्त र सिटि होटलका लगानीकर्ताहरु पनि मालामाल भएका छन् ।
यस्तै आइतबार सेयर बजारमा सुवम पावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । सुवम पावरमा यस्तो गिरावट आउँदा एनआइबिएल ग्रोथ फण्ड, पाँचथर पावर, इङवा हाइड्रोपावर र ग्लोबल आइएमई ब्यालेन्स-१ मा पनि उच्च गिरावट देखिएको छ ।
