गोकर्णेश्वर नगरपालिकाद्वारा मिति २०७९/०२/२५ गते बुधबार आयोजित १६-२४ वर्ष उमेर समूहका युवाहरुको “सिर्जनशीलता र उद्यमशीलता प्रवद्र्धन : बागमतीमा युवा सशक्तीकरण” शीर्षकमा खुल्ला वक्तृत्वकला प्रतियोगिता २०७९ जया मल्टिपल क्याम्पसमा सम्पन्न गरियो । यस प्रतियोगिताको अध्यक्षता सोही क्याम्पसका प्रमुख श्री भवानी प्रसाद पौडेलज्यूले गर्नु भएको थियो भने प्रमुख अतिथ्यता यस नगरपालिकाका नगर प्रमुख श्री दिपक कुमार रिसालज्यू र विशिष्ट आतिथ्यता श्री सान्नानी लामाज्यूले गर्नु भएको थियो । कार्यक्रममा शिक्षा, युवा तथा खेलकुद शाखाका प्रमुख श्री डण्डपाणी शर्मा, शिक्षा उपशाखा प्रमुख श्री टेकेन्द्रप्रसाद ढकाल, निर्णायकमा श्री अरुणोदय माध्यमिक विद्यालयका प्रधानाध्यापक श्री कृष्णप्रसाद नेपाल, विज्ञ श्री देवीप्रसाद पौडेल र डा. विनोद मंजन हुनुहुन्थ्यो । कार्यक्रम सञ्चालन स्रोतव्यक्ति तथा युवा तथा खेलकुद उपशाखा प्रमुख श्री रामनारायण शाहले गर्नु भएको थियो । सो प्रतियोगितामा सहभागी सबै युवाहरुलाई प्रमाणपत्र प्रदान गरिएको थियो । साथै प्रथम, द्वितीय र तृतीय स्थान हासिल गर्ने युवाहरुलाई नगद पुरस्कारसहित प्रमाणपत्र प्रदान गरिएको थियो ।
सो प्रतियोगितामा प्रथम स्थान हासिल गर्ने पुरुषतर्फ गोकर्णेश्वर नगरपालिका वडा नं. ४ का श्री नविन गिरी र महिलातर्फ जया मल्टिपल क्याम्पसका श्री सरस्वती चौलागाईले यही जेठ २९ गते हुने जिल्लास्तरीय प्रतियोगितामा यस नगरपालिकबाट प्रतिनिधित्व गर्नेछन् ।