नेपाली कांग्रेस पार्टीका तर्फबाट गोकर्णेश्वोर नगरपालिकाका मेयर उम्मेद्वार दिपक रिसाल, उपमेयर उम्मेद्वार शान्ति नेपाल तथा गोकर्मेश्वोर – ४ वडा अध्यक्ष उम्मेद्वार ज्ञान कुमार श्रेष्ठ लगायतका वडा सदस्यहरु राजेश श्रेष्ठ , कृष्ण श्रेष्ठ, रेखा बस्नेत र सुनिता परियारको आम लहर गोकर्णेश्वोर नगरपालिका वडा न.०४ मा घर दैलो कार्यक्रममा व्यापकताका साथ लागेका छन।
स्थानीय चुनाव बैशाख ३० गते सम्पन्न हुने हुँदा विभिन्न आकांक्षीहरु चुनाव प्रचारप्रसारमा व्यापकता का साथ लागिरहेका छन्। काठमाडौँ निर्वाचन क्षेत्र नम्बर ३ मा रहेको गोकर्णेश्वर नगरपालिकामा पनि गठबन्धन र नेपाली कांग्रेस पार्टीको व्यापक चहलपहल रहेको पाइएको छ। साथै उक्त क्षेत्रको ४ नम्बर वडामा ने.का. पार्टीका बाघी उम्मेद्वार जयराम महत र गठबन्धनको दर्हिलो साठगाठ समेत रहेको पाइएको छ।
मेयर पद का आकांक्षी दिपक रिसालले विगतको पाँचवर्षे कार्यकाल गोकर्णेश्वर नगरपालिकाको प्रमुख सल्लाहकार को भूमिकामा निर्वाह गरेका छन्। गोकर्णेश्वर नगरवासीमा परिचित अनुहार मात्र नभई समाजसेवी युवा नेता दीपक रिसालले गोकर्णेश्वर नगरपालिका लाई पर्यटन, प्रविधि र शिक्षामा जोड दिने धारणा व्यक्त गरेका छन्। साथसाथै यस नगरपालिकाभित्र रहेका क्षेत्रहरुलाई कृषि मुलक, पर्यावरण मैत्री बनाउँदै औद्योगिक कलकारखानाहरुको विकासमा समेत जोड दिने उनले बताए। नेपाली कांग्रेस पार्टीको इतिहासमा हेर्दाखेरी उनी पार्टीका महाधिवेशन प्रतिनिधि तथा संघसंगठन बिस्तारमा सक्रिय भुमिकामा समेत रहेका छन् । गोकर्णेश्वर नगर कार्यपालिकाको सदस्य रहेर काम गर्दा नगरवासीहरुको हितमा लाभदायक हुने योजनाहरु तर्जुमा गर्नलाई उनले प्रोत्साहन दिएका थिए। वडा नं एक र दुईमा पर्यटनको सम्भावना रहेको कारणले कृषि र पर्यटनलाई साथसाथै अगाडि लानु पर्ने कुराहरु उनले व्यक्त गर्नुभयो।
आजक्प सभाले गोकर्णेश्वोरको डबलीमा गएर केही समय विश्राम लियो जहाँ युवा नेता दिपक रिसालले गोकर्णेश्वोर-४ लाई पर्यटनमुखी धार्मीक क्षेत्र बनाउने घोषणा गरे भने वडा अध्यक्ष उम्मेद्वार श्रेष्ठले वडा सम्पूर्णको घरघरमा खानेपानीको व्यवस्था जितेर आएको ६ महिना भित्र पुर्याउने घोषणा समेत गरे।
त्यसैगरी खानेपानी व्यवस्थापन फोहर मैला व्यवस्थापनमा उल्लेखनीय योगदान पुर्याउँदै आएको गोकर्णेश्वर नगरपालिकामा दिपक रिसाल एक युवा नेतृत्वको रुपमा स्थापित भइसकेका छन्।
यसैगरी ज्ञान कुमार श्रेष्ठले गोकर्णेश्वर नगरपालिका वडा नम्बर ४ बाट आफ्नो वडाध्यक्षको उम्मेदवारी दिएका छन् । यसअघि उक्त क्षेत्रमा नेकपा एमालेका तर्फबाट वडा अध्यक्ष थिए थिए। गोकर्णेश्वर नगरपालिका वडा नम्बर ४ को माथिल्लो बेल्ट तल्लो बेल्ट, माकलबारी तथा सम्पूर्ण नगरवासीहरु को घर दैलोमा गएर नै आफ्नो निम्ति मतदान गरिदिने अपिल मेयरका उम्मेदवार रिसाल र वडा दक्ष का उम्मेदवार श्रेष्ठले गरेका छन। उक्त घरदैलो कार्यक्रममा हजारौंको संख्यामा कांग्रेसका कार्यकर्ता तथा शुभेच्छुकहरुको व्यापक उपस्थिति रहेको थियो।