नेशनल लाइफ इन्स्योरेन्सले ३३औं वार्षिक साधारणसभा आह्वान गरेको छ । कम्पनीको फागुन ५ गते बसेको संचालक समितिको बैठकले गरेको निर्णयानुसार साधारणसभा २०७८ फागुन २९ गते, केन्द्रिय कार्यालयबाट भर्चुअल माध्यमबाट विहान १०ः३० बजे सुरु हुनेछ ।
सभाले संचालक समितिले प्रस्ताव गरेको लाभांश अनुमोदन गर्नेछ । जसअनुसार आर्थिक वर्ष २०७६/७७ को मुनाफाबाट चुक्तापुँजी ३ अर्ब ३९ कारोडको १९ प्रतिशत बोनस सेयर र कर प्रयोजनको लागि ३ करोड ३९ लाख नगद लाभांश वितरण गरिनेछ ।
यस्तै, सभाले आर्थिक वर्ष २०७६/७७ को लेखा परिक्षण प्रतिवेदन, नाफा नोक्सान हिसाब तथा नगद प्रवाह विवरणमाथि छलफल गरी पारित गर्नेछ ।
सभाले आर्थिक वर्ष २०७७/७८ का लागि लेखापरीक्षक नियुक्त गरि निजको पारिश्रमिक निर्धारण पनि गर्नेछ ।
कम्पनीले साधारणसभा तथा लाभांश वितरण प्रयोजनका लागि फागुन २२ गते एक दिन बुक क्लोज गर्ने निर्णय गरेको छ । फागुन २१ गतेसम्म नेप्सेमा कारोबार भई कायम सेयरधनीले मात्र सभामा भाग लिन र लाभांश प्राप्त गर्न सक्नेछन् ।
