सामसुङको आगामी ग्यालेक्सी एस एट प्लस कस्तो हुनेहोला भन्ने सामसुङप्रेमीहरुको जिज्ञासा मेटिएको छ । एट प्लस स्मार्टफोनका बारेमा विस्तृत विवरणहरु इन्टरनेटमा सार्वजनिक भएका छन् ।
भेन्चर बिट नाम प्रविधि सम्बन्धी वेबसाइटका संवाददाता इभान ब्लासले आफ्नो टि्वटरमार्फत ग्यालेक्सी एस एट प्लसको पूर्ण विवरण सार्वजनिक गरेका हुन् ।
सार्वजनिक विवरण अनुसार ग्यालेक्सी एस एट प्लसमा ६.२ इन्चको क्वाड एचडी प्लस एमोलेड डिस्प्ले हुनेछ । ग्यालेक्सी एस एट प्लसमा आइरिस स्क्यानर, ६४ जिबीको मेमोरी तथा वायरलेस चार्जिंग हुनेछ ।
साथै यसमा ४ जिबीको र्याम, १२ मेगापिक्सेलको डुअल क्यामरा, ८ मेगापिक्सेलको सेल्फी क्यामरा, धुलो तथा पानी प्रतिरोधी हुुनुका साथै र सामसुंग पे समेत सिस्टम समेत हुनेछ ।
समाचार अनुसार सामसुंगले एकसाथ दुइ मोडेलका नितान्त फरक स्मार्टफोन ल्याउँदैछ । आगामी मार्च २९ मा सामसुंगले नयाँ स्मार्टफोन सार्वजनिक गर्ने दाबी गरिएको छ ।
नयाँ स्मार्टफोनमा सामसुङको नयाँ १० न्यानोमिटर फ्याबि्रकेसन टेक्नोलोजीको प्रयोग गरिनेछ । जसले यी स्मार्टफोनलाई ग्यालेक्सी एस सेभेन मोडेल भन्दा ११ प्रतिशत तेज बनाउनेछ । त्यस्तै २३ प्रतिशत तेज ग्राफिक्स प्रोसेसिंग हुनुका साथै उर्जा खपतमा २० प्रतिशत बढि किफायती हुनेछ ।
साथै ग्यालेक्सी एस एटमा युएसबी सी चार्जिंग पोर्ट, हेडफोन सकेट पनि रहनेछ । समाचार अनँसार एस एटको मूल्य ९५० डलर तथा एस एट प्लसको मूल्य १०५० डलर हुन सक्नेछ । एजेन्सी
