१४ असोज, काठमाडौं । नकआउट प्रोफेसनल मुवाथाई च्याम्पियनशीप २०२३ सम्पन्न भएको छ । गोकर्णेश्वर मुवाथाई नगर कमिटीले आयोजना गरेको प्रो फाईट चरणमा सबिन डिमडुङ र नवराज पराजुलीबिचको रोचक फाइट बुसिदो एमएमए मुवाथाई एशोसिससनका डिमडुङले जिते ।
शनिबार गोकर्णेश्वर महादेव मन्दिर परिसरमा भएको मुवाथाईका विभिन्न विधामा भएको प्रतिश्पर्धामा प्रो फाइट चरणमा कृतिम श्रेष्ठ, धर्मेन्द्र राम, प्रविण राई र अब्राहब राई विजयी भएका छन् ।
त्यस्तै, सेमि प्रो फाइटमा सरोज तामाङ, पेम्बा छिरि तामाङ, निराजन श्रेष्ठले जित हासिल गरे । एमेचर फाइटमा अक्ष कुमार पन्त, सुजित गुरुङ, रविन रेग्मि, विश्व श्रेष्ठ विजयी भए ।
विजेता र उपविजेताहरुले बेल्ट, ट्रफी तथा नगद पुरस्कार प्राप्त गरेका थिए ।
कार्यक्रमको उद्घाटन संघीय सांसद तथा संसदीय अर्थ समितिका सभापति सन्तोष चालिसेले गर्नु भएको थियो । कार्यक्रममा नगर उपप्रमुख सान्नानी लामा, गोनपा ४ का वडा अध्यक्ष जयराम महत, वडा सदस्यहरु गौरी श्रेष्ठ, राजेश श्रेष्ठ, कृष्ण श्रेष्ठ, सुनिता परियार, गोकर्णेश्वर नगरपालिका वडा नं. ९ का वडा अध्यक्ष राजिव थापा, नगरपालिकाका युवा तथा खेलकुद उपशाखा प्रमुख रामनारायण शाह, समाजसेवी व्यक्तित्वहरु, खेलकुदका समितिका पदाधिकारीहरु, वडा सचिव नवराज सेन लगायतका व्यक्तित्वहरुको आतिथ्यता रहेको थियो ।
कार्यक्रममा अतिथीहरु, रेफ्रि, जज, खेलमा सहयोग गर्ने व्यक्तित्व, स्वयंसेवकहरुलाई मायाको चिन्ह प्रदा नगरिएको थियो ।
