नेपाल दूरसञ्चार प्राधिकरणले बिहीबार (भदौ ३०) बाट मोबाइल डिभाइस म्यानेजमेन्ट सिस्टम ९एमडीएमएस० प्रणाली लागू गरेको छ ।
मोबाइल फोनको अनधिकृत आयात रोक्न यो प्रणाली ल्याइएको प्राधिकरणले जनाएको छ । प्राधिकरणले बिहीबार एक कार्यक्रम आयोजना गरी प्रणालीको सफ्ट लन्च गरेको छ । सञ्चार तथा सूचना प्रविधि मन्त्री ज्ञानेन्द्रबहादुर कार्कीले एमडीएमएसको वेब पोर्टलमा लग इन गरेर प्रणालीको उद्घाटन गरे ।
नयाँ मोबाइल सेट प्रणालीमा दर्ताका लागि अनलाइन सुविधा दिइएको प्राधिकरणका निर्देशक सुरेन्द्रलाल हाडाले बताए । गैरकानुनी आयात र बिक्री वितरण रोक्ने उद्देश्यले एमडीएमएस प्रणाली ल्याइएको हाडा बताए । हाल बजारमा ५० प्रतिशत फोन अवैध रूपमा भित्र्याइने गरेको बताइन्छ । यसले गर्दा सरकारलाई बर्सेनि करोडौं रकम राजश्व नोक्सानी भइरहेको मोबाइल व्यवासायीको भनाइ छ ।
