करिब एकहप्ता अगाडि भारी वर्षाका कारण फुटेको ढलको मर्मत वडा नम्बर ६ को सक्रियतामा शुरु गरिएको हो । जोरपाटीदेखि सुन्दरीजल जाने बाटो छेउ नजिकको सानो बजार छेउमा ढलको क्षमताले नभ्याएर बीच सडक भासिएको थियो। भासिएको ढल सहितको सडक नगरपालिकाले इन्जिनियर राखेर तत्काल मर्मत सुचारु गरेको हो । वडा नं ६ मा पर्ने उक्त ठाउँको प्रत्यक्ष निगरानीमा मर्मत कार्य शुरु गरिएको वडा अध्यक्ष नवराज लामाले फोर आइज न्युजलाई बताउनुभयो । व्यस्त सडक भासिदा यात्रुहरुलाई असहज पर्ने भएकोले मध्यरातसम्म आफैं खटेर मर्मत शुरु गरिएको उहाँले जानकारी दिनुभयो । हाल मर्मत जारी रहेको र केही दिनमै सम्पन्न हुने उहाँले बताउनुभयो । आफू वडाध्यक्ष निर्वाचित भएर आएपछि फोहोर मैला, खानेपानी,सडक,अस्तब्यस्त रहेको ब्वस्थापन र ढल लगायतका विषयलाई उच्च प्राथमिकतामा राखिएको उहाँले बताउनुभयो । उक्त सडक मर्मतको अनुगमन गोकर्णेश्वर नगरपालिकाका प्रमुख दिपक रिसालले पनि गर्नुभएको छ।
