पोखरा महानगरपालिकाको अन्तिम मतगणना परिणाम प्राप्त भएको छ । प्राप्त परिणाम अनुसार गठबन्धनबाट नेकपा एकीकृत समाजवादीका उम्मेदवार धनराज आचार्य विजयी भएका छन् ।
आचार्यले ५८ हजार ८ सय ९३ मत प्राप्त गरेका छन् । त्यस्तै नेकपा एमालेका उम्मेदवार कृष्ण थापाले ५२ हजार ८ सय ४८ मत प्राप्त गरेका छन् । उनिहरू बिचको मतान्तर ६ हजार ४५ छ । प्रमुखमा नै राप्रपाका शंकर खरालले ५ हजार ६ सय ७४ र स्वतन्त्र उम्मेदवार गनेस पौडेलले ३ हजार ३० मत ल्याए । उपमेयरमा नेकपा एमालेकी मञ्जुदेवी गुरुङले ३ हजार ८ सय ८३ मतान्तरले विजयी भएकी छन् ।
गुरुङले ६० हजार ५ सय ४६ मत ल्याएकी छन् । नेपाली कांग्रेसकी कोपिला रानाभाटले ५६ हजार ६ सय ६३ मत ल्याइन् । त्यस्तै उपमेयरमा राप्रपाकी रञ्जना सेनले ५ हजार ६ सय ९९ मत प्राप्त गरिन् । २ लाख ७ हजार ७ सय १२ मतदाता रहेको पोखरा महानगरमा १ लाख ४३ हजार २ सय २६ मत खसेको थियो । निर्वाचन आयोगका अनुसार पोखरा महानगरपालिकाका ३३ वडा मध्ये २३ वटा वडाको वडा अध्यक्षमा नेपाली कांग्रेसका उम्मेदवार विजयी बनेका छन् ।
त्यस्तै , ९ वटा वडामा नेकपा एमालेका उम्मेदवारले वडा अध्यक्षमा विजय प्राप्त गरेका छन् । १ वडा अध्यक्षमा स्वतन्त्र उम्मेदवार विजयी भएका छन । पोखरा महानगरपालिकाको अन्तिम मतपरिणाम अनुसार वडा नं. २, ३, ४, ७, ९, १०, ११, १२, १३, १४, १६, १८, १९, २३, २४, २५, २६, २७, २८, ३०, ३१,३२ र ३३ मा कांग्रेसका उम्मेदवारले वडा अध्यक्ष जितेका छन् ।
एमालेका उम्मेदवारले वडा नं. १, ५, ६, ८, १५, १७, २०, २१, २९ को वडा अध्यक्षमा जितेका छन् । वडा नं. २२ मा को वडा अध्यक्षमा स्वतन्त्र उम्मेदवार विजयी भएका छन् ।
