फोर आइज न्युज
बिहिबार, चैत्र २०, २०८१
  • होमपेज
  • ७ सालका कांग्रेसी योद्धाको आशीर्वादसाथ मेयर उम्मेद्वार रिसालको घरदैलो कार्यक्रम

७ सालका कांग्रेसी योद्धाको आशीर्वादसाथ मेयर उम्मेद्वार रिसालको घरदैलो कार्यक्रम

७ सालका कांग्रेसी योद्धाको आशीर्वादसाथ मेयर उम्मेद्वार रिसालको घरदैलो कार्यक्रम

नेपाली कांग्रेस पार्टीका तर्फबाट गोकर्णेश्वोर नगरपालिकाका मेयर उम्मेद्वार दिपक रिसाल, उपमेयर उम्मेद्वार शान्ति नेपाल तथा गोकर्मेश्वोर – ७ वडा अध्यक्ष उम्मेद्वार कुमार अर्याल लगायतका वडा सदस्यहरुको आम लहर गोकर्णेश्वोर नगरपालिका वडा न.०७ मा घर दैलो कार्यक्रममा व्यापकताका साथ लागेका छन।
स्थानीय चुनाव बैशाख ३० गते सम्पन्न हुने हुँदा विभिन्न आकांक्षीहरु चुनाव प्रचारप्रसारमा व्यापकता का साथ लागिरहेका छन्। काठमाडौँ निर्वाचन क्षेत्र नम्बर ३ मा रहेको गोकर्णेश्वर नगरपालिकामा पनि गठबन्धन र नेपाली कांग्रेस पार्टीको व्यापक चहलपहल रहेको पाइएको छ।
मेयर पद का आकांक्षी दिपक रिसालले विगतको पाँचवर्षे कार्यकाल गोकर्णेश्वर नगरपालिकाको प्रमुख सल्लाहकार को भूमिकामा निर्वाह गरेका छन्। गोकर्णेश्वर नगरवासीमा परिचित अनुहार मात्र नभई समाजसेवी युवा नेता दीपक रिसालले गोकर्णेश्वर नगरपालिका लाई पर्यटन, प्रविधि र शिक्षामा जोड दिने धारणा व्यक्त गरेका छन्। साथसाथै यस नगरपालिकाभित्र रहेका क्षेत्रहरुलाई कृषि मुलक, पर्यावरण मैत्री बनाउँदै औद्योगिक कलकारखानाहरु को विकासमा समेत जोड दिने उनले बताए। नेपाली कांग्रेस पार्टीको इतिहासमा हेर्दाखेरी उनी पार्टीका महाधिवेशन प्रतिनिधि समेत रहेका छन्, गोकर्णेश्वर नगर कार्यपालिकाको सदस्य रहेर काम गर्दा नगरवासीहरुको र लाभदायक हुने योजनाहरु तर्जुमा गर्नलाई उनले प्रोत्साहन दिएका थिए। वडा नं एक र दुईमा पर्यटनको सम्भावना रहेको कारणले कृषि र पर्यटनलाई साथसाथै अगाडि लानु पर्ने कुराहरु मनले व्यक्त गर्नुभयो। त्यसैगरी खानेपानी व्यवस्थापन फोहर मैला व्यवस्थापनमा उल्लेखनीय योगदान पुर्याउँदै आएको गोकर्णेश्वर नगरपालिकामा दिपक रिसाल एक युवा नेतृत्वको रुपमा स्थापित भइसकेका छन्।
यसैगरी कुमार अर्यालले गोकर्णेश्वर नगरपालिका वडा नम्बर ७ बाट आफ्नो वडाध्यक्षको उम्मेदवारी दिएका छन् । यसअघि उक्त क्षेत्रमा नेकपा एमालेका तर्फबाट केशव गुरुङले वडा अध्यक्ष पद समालेका थिए। गोकर्णेश्वर नगरपालिका वडा नम्बर ७ को माथिल्लो बेल्ट तल्लो बेल्ट तथा अर्याल गाउँका सम्पूर्ण नगरवासीहरु को घर दैलोमा गएर ने आफ्नो निम्ति मतदान गरिदिने अपिल मेयरका उम्मेदवार रिसाल र वडा अध्यक्ष का उम्मेदवार कुमार अर्यालले गरेका छन। उक्त घरदैलो कार्यक्रममा हजारौंको संख्यामा कांग्रेसका कार्यकर्ता तथा शुभेच्छुकहरुको व्यापक उपस्थिति रहेको थियो।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका