फोर आइज न्युज
शुक्रबार, चैत्र २१, २०८१
  • होमपेज
  • देशभर यातायात कार्यालयका सेवा बन्द

देशभर यातायात कार्यालयका सेवा बन्द

देशभर यातायात कार्यालयका सेवा बन्द

यातायात व्यवस्था विभागले सर्भरमा समस्या आएको भन्दै बुधबार साँझ ५ बजेबाट सबै कार्यालयका सेवा अनिश्चितकालका लागि बन्द हुने जनाएको छ । बुधबार सूचना जारी गर्दै विभागले समस्या समाधान नभएसम्म देशभरका २१ यातायात कार्यालयका सेवा बन्द रहने जनाएको छ ।                विभागका सूचना अधिकारी लोकनाथ भुसालका अनुसार सेवा पुन: सञ्चालन हुन बिहीबार दिउँसोसम्म समय लाग्न सक्ने छ । ‘दिउँसो सेवाग्राही लाइनमा हुन्जेल बन्द नगरौं भनेर साँझबाट सेवा बन्द गर्न लागिएको हो,’ उनले भने, ‘भोलि कति बजेसम्म लाग्छ थाहा छैन, सर्भरमा विद्युत् सप्लाई गर्दा अन-अफ भइरहने समस्याले गर्दा सेवा बन्द गर्नुपरेको हो ।’              उनका अनुसार बुधबार रातिबाटै मर्मत थालिने हुँदा जतिसक्दो चाँडो सेवा सञ्चालन गर्ने पक्षमा विभाग छ । चैत १ देखि विभागले सवारी चालक अनुमति पत्र (लाइसेन्स)को आवेदन लिने काम पनि बन्द गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका