बिहीबार साँध एनोनिमसको नाममा रहेको ट्विटर अकाउन्टमा ‘रुसी सरकारसँग औपचारिक रुपमै युद्ध सुरु गरेको’ उल्लेख छ । युक्रेनमा सैन्य कारबाही गरेको जवाफस्वरुप रुस सरकारका दर्जनौं वेबसाइट अवरुद्ध गरेको दाबी समेत गरिएको छ। बिहीबार रुसी सरकार, क्रेमलिन, डुमा, रक्षा मन्त्रालय र रसिया टुडेका वेबसाइट प्रभावित भएका थिए । साइबर हमलापछि दिनभर केही वेबसाइट सुस्त बनेको र केही पूरै बन्द भएपछि एनोनिमसले रुसविरुद्ध साइबर युद्ध सुरु गरेको जनाएको हो । 
सम्बन्धित एक अकाउन्टमा भनिएको छ, ‘पुटिनको सत्तामा ज्यान गुमाएका मानिसलाई कहिल्यै भुल्ने छैनौं । हाम्रो हमलापछि पुटिनको अपराधी सत्तालाई पहिलाकै अवस्थामा फर्किन निकै कठिन हुने छ ।’
‘एनोनिमस’ कुनै केन्द्रीय पदसोपान वा नेतृत्व नभएको एउटा विकेन्द्रिकृत समूह हो । उक्त समूहले यसअघि अमेरिकी सरकार, सीआईए, इस्लामिक स्टेट लगायतका वेबसाइटमाथि साइबर हमला गरेको थियो ।
